Asosiy qoidalar

212-modda. Ashyoviy dalillarni shikastlaganlik yoki yo‘qotganlik uchun javobgarlik
Ekspertiza o‘tkazish yoki boshqa qonuniy harakatlar natijasida shikastlangan yoki yo‘qolgan
ashyoning qiymati sud chiqimlariga qo‘shiladi.
Ayblov hukmi chiqarilganda, agar bu ashyo mahkumga yoki fuqaroviy javobgarga tegishli
bo‘lsa, uning qiymati to‘lanmaydi; agar ashyo boshqa biror shaxsga tegishli bo‘lsa, uning qiymati bu
shaxsga sud tomonidan to‘lanishi va ayni vaqtda bu summa mahkum yoki fuqaroviy javobgar
hisobidan davlat foydasiga undirilishi lozim.
Oqlov hukmi chiqarilganda hamda ish tugatilgan hollarda ekspertiza o‘tkazish yoki boshqa
qonuniy harakatlar natijasida shikastlangan yoki yo‘qolgan ashyoning qiymati qonuniy egasiga
yoki mulkdoriga, shuningdek protsessual mavqeyidan qat’i nazar, ularning huquq vorislari va
merosxo‘rlariga to‘lanadi.
Oldingi
 tahrirga qarang.
Ashyoviy dalillar shikastlangan yoki yo‘qolgan boshqa barcha hollarda ularning qiymati zarar
keltirish natijasida kelib chiqadigan majburiyatlarga doir fuqaroviy qonunchilik qoidalariga muvofiq
to‘lattirilishi lozim.
(212-moddaning to‘rtinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
TO‘RTINChI BO‘LIM 
PROTSESSUAL MAJBURLOV
26-bob. JINOYAT PROTSESSIDA ShAXS HUQUQLARINI ChEKLASh ASOSLARI VA ChEGARALARI
213-modda. Protsessual majburlov choralarini qo‘llash uchun asoslar
Jinoyat protsessi ishtirokchisi tergov yoki sud harakatlarini amalga oshirishga to‘sqinlik
qilayotgan, o‘ziga yuklatilgan majburiyatlarni bajarmayotgan bo‘lsa, shuningdek gumon qilinuvchi,
ayblanuvchining kelgusi jinoiy faoliyatining oldini olish va hukm ijrosini ta’minlash uchun zarur
bo‘lsa, surishtiruvchi, tergovchi, prokuror va sud ushbu Kodeksda belgilangan hollarda hamda
tartibda majburlov choralarini qo‘llashga haqlidir.
Oldingi
 tahrirga qarang.
Tergovga qadar tekshiruvni amalga oshiruvchi organning mansabdor shaxsi ushlab turish
tarzidagi protsessual majburlov chorasini ushbu Kodeksning
 221 
va 
224-moddalarida 
belgilangan
hollarda va tartibda qo‘llashga haqlidir.
(213-modda O‘zbekiston Respublikasining 2017-yil 6-sentabrdagi O‘RQ-442-sonli 
Qonuniga 
asosan
ikkinchi qism bilan to‘ldirilgan — O‘R QHT, 2017-y., 36-son, 943-modda)