Ўзбекистон республикаси адлия вазирлиги тошкент давлат юридик институти

Адвокатлик фаолияти принциплари. 
Илмий адабиётларда 
принциплар ҳақида турли хил фикрлар айтиб ўтилганлигига қарамай, 
принциплар – бу у ёки бу фаолият (жараён) амалга оширилганда 
умумий амал қилинадиган қоидалардир деган фикр барча 
муаллифлар 
томонидан 
тан 
олинади. 
Адвокатурага 
доир 
принципларни фуқаролик жамиятининг ушбу институтининг 
ташкилий асослари ва фаолиятини тартибга соладиган, давлат 
томонидан адвокатуранинг тегишли равишда ҳимоясини ва унинг 
фаолиятига аралашмасликни таъминлайдиган қонунчилик мазмунини 
тўла ифодалайдиган тегишли фаолият йўналишлари ва амалга 
ошириш асослари сифатида белгиласа бўлади. 
Адвокатура фаолияти ва уни ташкил этиш принциплари бир бири 
билан мужассам боғлиқ ва адвокатура мақсадларига етишиш учун 
бир хилда муҳим бўлган ягона ҳуқуқий асослар мажмуини ташкил 
этади. Эътибор бериш керакки, адвокатура ва адвокатлик 
фаолиятининг аҳамияти шундаки, улар адвокатуранинг ташкилий-
ҳуқуқий асосларини янада такомиллаштириш учун хизмат қилади. 
Афсуски, Ўзбекистон Республикаси “Адвокатура тўғрисида”ги 
Қонуни принципларнинг мазмун-моҳиятини очиб бермасдан, фақат 

---

170 
уларни санаб ўтади, холос. Давлатимиздаги адвокатурага доир 
қонунчилик “адвокатура ўз фаолиятини қонун устуворлиги, 
мустақиллик ва бошқа демократик принциплар асосида” амалга 
оширишини белгилайди. Ўзбекистон Республикаси “Адвокатлик 
фаолиятининг кафолатлари ва адвокатларнинг ижтимоий ҳимояси 
тўғрисида”ги Қонунининг 2-моддаси адвокатлик фаолиятининг 
асосий принциплари қуйидагилардан иборатлигини белгилайди: 
- адвокатнинг мустақиллиги; 
- Адвокатнинг касб этикаси қоидаларига, адвокатлик сири ва 
адвокат қасамёдига қатъий риоя этиш;
- қонун ҳужжатларида ман қилинмаган усуллар ва воситаларни 
қўллаш. 
Демак, қонун чиқарувчи адвокатлар фаолиятининг асосий 
принциплари сифатида қонунийлик ва мустақиллик эканлигини 
таъкидлайди.