1-ma’ruza. Mavzu: Shaxsiy kompyuterlarning ta’minoti va uning turlari. Kompyuter avlodlari va ularning klassifikasiyasi. Sistema bloki komponentlari. Registrlar, Xotira va uning ishlash imkoniyatlari. Mavzu rejasi

Pentium II rusumli protsessor 
1997 yil 7 may kuni Nyu-Yorkda Intel korporatsiyasi о‘zining oldin Klamath ish nomi bilan 
tanish bо‘lgan Pentium II rusumli protsessorini rasman havola etdi. Umumiy fazilatiga kо‘ra, ushbu 
protsessor MMX texnologiyasiga ega Pentium Pro protsessor kо‘rinishiga ega bо‘lib, о‘zining 
ajdodidan kichik va о‘rta biznes sohalarida qо‘llanilishi uchun mо‘ljallanganligi bilan farq qiladi. 
Pentium II stol ustiga о‘rnatiladigan shaxsiy kompyuterlar, tarmoqqa ulanadigan shaxsiy 
kompyuterlar, ish stansiyalari va boshlang‘ich pog‘onadan ishlatiladigan serverlar ichiga о‘rnatish 
uchun mо‘ljallangan. 
О‘z ichiga 7,5 million tranzistorni mujassam etgan Pentium II rusumli protsessorda audio, 
vizual va grafik ma’lumotlarga samarali ishlov berilishini ta’minlovchi Intel MMX texnologiyasi joriy 
etilgan. Kristall va yuqori tezlik bilan ishlaydigan keshxotira qurilmasining mikrosxemasi bir 
tomonlama kontaktga ega (Single Edge Contact – SEC) korpus ichiga joylashtirilgan. Ushbu korpus, 
oldin chiqarilgan juda kо‘p kontaktlarga ega bо‘lgan protsessorlardan farqliroq, bir tomonlama 
ajratkich vositasida tizim platasi ustiga о‘rnatiladi. Nisbatan arzon narx bilan “Pentium Pro qudrati”ni 
ta’minlash uchun Intel korporatsiyasi L2-cache ichida BSRAM rusumli kesh-xotira qurilmasini 
qо‘llashga majbur bо‘ldi (aslida Pentium Pro ichida maxsus buyurtma bilan о‘rnatiladigan narxi 
qimmat kesh qо‘llaniladi). PGA korpusi ichiga protsessor yadrosi va kesh-xotira qurilmasini montaj 
qilish mobaynida yuzaga keladigan brak foizi ham juda muhim omil ekanligi va shu bois montaj ishlari 
Pentium Pro ishlab chiqarilishida eng qimmat bosqich ekanligi ayon bо‘ldi. Natijada, ushbu 
muammolarning aksariyat qismini hal etgan о‘sha SEC-kartridj (Single Edge Connection Cartridge) 
va unga hamroh bо‘lgan slot 1 paydo bо‘ldi. 
Mazkur protsessor foydalanuvchilarga raqamli foto suratlarni shaxsiy kompyuter ichiga kiritish 
va ishlov berish, ularni Internet orqali dо‘stlar va qarindoshlarga yuborish, matnlar yozib, tahrirlash, 
musiqiy asarlar va hattoki oilaviy kino uchun kichik sahnalar yaratish hamda ushbu video tasvirlarni 
oddiy telefon simi vositasida Internet tarmog‘i orqali uzatish (qabul qilish) imkoniyatini beradi.