Tadqiqotlari

Misol. Eng yuqori darajada 
Εtrie&Lavidge firmasi televideniye, radio va matbuotda mijoz-firmaning 
reklama nisbiy samaradorligini aniqlash uchun tadqiqotchilik loyihasini bajardi. 
Bundan tashqari, 10 ta televizion reklama roliklari, matbuotdagi va radio orqali 
reklama e’lonlari samaradorligi baholandi. Loyiha strukturasini hisobga olgan holda, 
olingan natijalarni ma’lum qilishda ayniqsa, ma’ruzaning og‘zaki taqdimoti muhim 
ahamiyat kasb etadi. Proyektor va diaproyektorga qo‘shimcha ravishda 
videomagnitofon (televizion reklama roliklari namoyish etish uchun), magnitofon 
(radio orqali reklama e’lonlarini taqdim etish uchun) va doska (bosma reklama 
xabarlarini ko‘rsatish uchun) foydalanilgan. Taqdimot korporatsiya prezidenti, barcha 
vitse-prezdentlar va vitse-prezdentlarning o‘rinbosarlaridan iborat bo‘lgan barcha 
mansabdor shaxslar uchun korporatsiyaning har oylik yig‘ilishlaridan birida tashkil 
qilindi. 
Taqdimot o‘tkazilganidan so‘ng buyurtmachi firmaning top-menejerlariga 
hisobot bilan tanishib chiqish uchun vaqt beriladi. Hisobotni o‘qishda ayrim umumiy 
qoidalarga rioya qilish tavsiya etiladi. 
Tadqiqot rejasi 
O‘quvchi tadqiqot usullarini tushunishi lozim. Zarur axborotlarga, ma’lumot 
to‘plash usullariga, shkalalash usullariga, anketa ishlab chiqish va uni dastlabki sinab 
ko‘rishga, tanlama to‘plamni tanlash jarayonlariga, shuningdek, dala ishlariga alohida 
e’tibor qaratish lozim. Hisobot muayyan usullar nima uchun foydalanilishini 
tushuntirib bera oladimi? Tadqiqotning metodologik jihatlari bilan bog‘liq bo‘lmagan 
hisobotlarga ehtiyotkorlik bilan munosabatda bo‘lish lozim. 

---

332 
Tadqiqot o‘tkazish
O‘quvchi tadqiqotning qanday o‘tkazilganligiga alohida e’tibor qaratishi lozim. 
Loyiha ustida ishlaydigan shaxslar mos keluvchi malaka va tajribaga ega bo‘lishi 
lozim. Tadqiqot o‘tkazilishi ustidan tegishli nazorat ta’minlanishi zarur. Bu, ayniqsa, 
ma’lumot to‘plash va tayyorlash va statistik tahlil o‘tkazishda muhimdir.