Belgilangan shartlar asosida haq evaziga bajarish haqidagi kelishuv. U mehnatga oid munosabatlarni huquqiy jihatdan tartibga solishni taʼminlashda muhim oʻrin egallaydi

 
 
 

---

Ta’tillarni berish vaqti va navbati
144-modda. Ta’tillarni berish vaqti va navbati. 
Yillik ta’tillarni berish navbati 
kalendar yil boshlangunga qadar ish beruvchi tomonidan kasaba uyushmasi qo‘mitasi yoki 
xodimlarning boshqa vakillik organi bilan kelishib tasdiqlanadigan jadvalga muvofiq 
belgilanadi.
 
Ta’til berish vaqti haqida xodim ta’til boshlanishidan kamida o‘n besh kun oldin 
xabardor qilinishi kerak. 
Quyidagi xodimlarga ta’til ularning xohishiga ko‘ra yozgi yoki ular uchun qulay 
bo‘lgan boshqa vaqtda berilishi kerak: 
o‘n to‘rt yoshga to‘lmagan bitta yoki undan ortiq bolani (o‘n olti yoshga to‘lmagan 
nogiron bolani) tarbiyalayotgan yolg‘iz ota, yolg‘iz onaga (beva erkaklar, beva ayollar, 
nikohdan ajrashganlar, yolg‘iz onalarga) va muddatli harbiy xizmatni o‘tayotgan harbiy 
xizmatchilarning xotinlariga; 
I va II guruh nogironlariga; 
1941 — 1945-yillardagi urush qatnashchilariga va imtiyozlari bo‘yicha ularga 
tenglashtirilgan shaxslarga; 
o‘n sakkiz yoshga to‘lmagan shaxslarga; 
ta’lim muassasalarida ishlab chiqarishdan ajralmagan holda o‘qiyotganlarga (250-
modda); 
jamoa shartnomasi, kelishuvida nazarda tutilgan boshqa hollarda. 
Ishlayotgan erkaklarga yillik ta’til ularning xohishlariga binoan xotinlarining 
homiladorlik va tug‘ish ta’tili davrida beriladi. 
Ta’tildan foydalanishning jadvalda belgilangan vaqti xodim bilan ish beruvchining 
kelishuviga binoan o‘zgartirilishi mumkin. 
Yillik asosiy taʼtil ikkinchi va undan keyingi ish yillari uchun kalendar yil 
boshlangunga qadar ish beruvchi tomonidan kasaba uyushmasi qoʻmitasi yoki xodimlarning 
boshqa vakillik organi bilan kelishib tasdiqlanadigan taʼtillar jadvaliga muvofiq ish yilining 
istalgan vaqtida beriladi. Xodim ish beruvchi bilan kelishib taʼtillar jadvalidagi vaqtni 
oʻzgartirishi mumkin. Xodim taʼtil boshlanishidan kamida 15 kun oldin xabardor qilinishi 
kerak. Taʼtil ish yili tugagunga qadar berilishi lozim. 
Yillik asosiy taʼtil - ish yili mobaynidagi ish uchun beriladigan, mehnat vazifalarini 
bajarishdan ozod qiluvchi uzoq davom etadigan uzluksiz vaqt davri. Har bir xodim uchun ish 
yili yakka tartibda - u mehnat shartnomasi boʻyicha ishlashni boshlagan kundan boshlab 12 oy 
deb hisoblanadi. Xodimning yillik haq toʻlanadigan taʼtilga huquqi mehnat shartnomasi amal 
qila boshlagan kundan boshlab paydo boʻladi. 
Bunda taʼtilda boʻlish vaqti mehnat stajiga, shu jumladan keyingi yillik taʼtil berilishi 
uchun mehnat stajiga kiritiladi. Masalan, 2013-yilda xodim 7-26-oktyabrda yillik mehnat 

---

taʼtilida boʻldi. 2014-yilda unga fevralda taʼtil berildi. 2013-yil 7-26-oktyabr davri 2014-
yildagi taʼtil pulini hisob-kitob qilish chogʻida mehnat stajiga kiritiladi. 
Qonun bilan xodimlarga 15 ish kunidan kam boʻlmagan muddat bilan yillik asosiy 
taʼtil berilishi belgilangan (MKning 134-moddasi). Bunda jamoa va (yoki) mehnat 
shartnomalarida yillik asosiy taʼtilning koʻproq muddati nazarda tutilishi mumkin.