“sanoat va xizmat ko'rsatish sohalarining raqamli transforma t siyasi: tendensiyalar, boshqaruv, strategiyalar” Xalqaro ilmiy-amaliy anjuman

“DIGITAL TRANSFORMATION OF INDUSTRY AND SERVICES: TRENDS, MANAGEMENT, 
STRATEGIES”
136
O‘zbekiston Respublikasi Prezidentining Oliy Majlisga Murojaatnomasida mamlakatimiz 
zamonaviy yuksalishga erishish maqsadida innovatsion rivojlanish bosqichiga kirganligini eʼtirof 
etilgan. “Innovatsiya – bu kelajak degani. Biz buyuk kelajagimizni barpo etishni... aynan 
innovatsion g‘oyalar asosida boshlashimiz kerak. Innovatsion rivojlanish va raqamli iqtisodiyot 
yo‘liga o‘tishimiz bejiz emas. Chunki zamon shiddat bilan rivojlanib borayotgan hozirgi davrda 
kim yutadi? Yangi fikr, yangi g‘oyaga, innovatsiyaga tayangan davlat yutadi.”
Ta’lim berish jarayonida yangi texnik vositalar, kompyuter va boshqa axborot 
texnologiyalarining jadal sur’atlarda kirib kelayotgan hozirgi davrida fanlararo uzviylikni 
ta’minlash maqsadida zamonaviy texnologiyalardan foydalanish dolzarb masalalardan biridir. 
Respublikamizda axborot-kommunikatsiya texnologiyalarini rivojlantirish, jamiyatda raqamli 
texnologiyalari va internetning xalqaro axborot tizimlariga keng kirib borishini ta’minlash 
dasturlarini ishlab chiqish, hamda bu boradagi ishlarni tashkil etish chora-tadbirlari to‘g‘risida 
Vazirlar Mahkamasining qarorlari qabul qilingan. “Kompyuterlashtirishni yanada rivojlantirish 
va axborot kommunikatsiya texnologiyalarini joriy etish to‘g‘risida” (2002 yil), “O‘zbekiston 
respublikasining jamoat ta’lim axborot tarmog‘ini tashkil etish to‘g‘risida” (2005 yil), 
“Zamonaviy axborot kommunikatsion texnologiyalarini yanada rivojlantirish va joriy etish 
chora-tadbirlari to‘g‘risida” (2012 yil)gi qaror va farmonlar shular jumlasidandi.
“Ilm, maʼrifat va raqamli iqtisodiyotni rivojlantirish yili” Davlat dasturida nazarda tutilgan 
tegishli huquqiy zaminni yaratish maqsadida O‘zbekiston Respublikasining “Innovatsion faoliyat 
to‘g‘risida”gi Qonunining qabul qilinishi (2020 yil 24 iyul) yangi O‘zbekistonni qurishda muhim 
qadam bo‘ldi. Ushbu qonun taraqqiyotimizni kafolatlovchi, uni yanada jadallashtiruvchi yangi 
g‘oya, yangi kashfiyotlar, ilmiy ishlanmalarni yaratish hamda hayotga joriy etilishining ishochli 
huquqiy mexanizmlarini mustahkamlab benihoya muhim ahamiyat kasb etadi. 
Mazkur qaror va farmonlarda zamonaviy innovatsion texnologiyalarni rivojlantirish va 
ularni iqtisodiyotning turli tarmoqlariga tatbiq etish, jumladan, ta’lim jarayoniga zamonaviy 
axborot-kommunikatsiya texnologiyalarini keng joriy etish zarurligi ta’kidlangan. 
Ta’limga zamonaviy axborot-kommunikatsiya texnologiyalarini keng joriy etish: 
- fanning barcha sohalarini axborotlashtirish; 
- ta’lim faoliyatini intellektuallashtirish; 
- integratsiya jarayonlarini chuqurlashtirish; 
- ta’lim tizimi infratuzilmasini va uni boshqarish mexanizmlarini takomillashtirish. 
Natijada talabaning kasbiy bilimlarni kasbiy egallashi, o‘rganilayotgan hodisa va jarayonlarni 
modellashtirish orqali fan sohasini chuqur o‘rganish, turli ta’lim faoliyati, o‘rganilayotgan 
jarayonlarning kompyuter texnologiyalari orqali o‘quvchining mustaqil faoliyatini kengaytirish. 
hodisalarni vositalar orqali ko‘rsatish esa o‘quvchilarda fan asoslariga qiziqish va faollikni 
oshirishga olib keladi. 
Kompyuter dasturlari nafaqat o'quvchilarning bilim va ko'nikmalarini rivojlantirishga 
yordam beradi, balki kompyuterda ishlash orqali ijobiy ko'nikmalarni shakllantirishga yordam 
beradi. Bunda asosiy o‘quv materialini to‘ldirish yoki o‘qitish samaradorligini oshirish uchun 
kompyuter dasturlari qo‘llanilishi mumkin. Ta'limda texnologiyadan foydalanish juda muhimdir. 
Bu vositalardan zamonaviy talablarga javob beradigan tarzda o‘qitish va o‘quvchilar e’tiborini 
jalb qilish mumkin. Kompyuterlar, elektron darsliklar, internet va boshqa vositalar kabi o‘quv 
qurollari o‘quvchilarga o‘quv ma’lumotlarini taqdim etuvchi texnik vositalardir. Axborot 
texnologiyalari uchun turli xil elektromexanik qurilmalar, ko'rgazmali osiloskoplar va ularning 
sinfda vizual tasvirlarni namoyish qilish uchun o'lchash asboblari, shuningdek, televizor, video 
proyektor, elektron doska, elektron daftar, smartfon mobil qurilmalari, audio multimedia 
texnologiyalari va boshqa vositalar. 
Ta'lim jarayoniga zamonaviy innovatsion texnologiyalarni qo'llashga ko'plab omillar salbiy 
ta'sir ko'rsatadi, jumladan: 
- ta’lim muassasalarida axborot-kommunikatsiya vositalarining yetarli darajada 
ta’minlanmaganligi; 
-ta’lim muassasalari internet va boshqa axborot tarmoqlariga ulanmagan; 

---