Namangan davlat universiteti madaniyatshunoslik

Nafosatshunoslik – 
(Estetika) Ma`naviyat sohasiga aloqador fanlar tizimiga mansub bo`lib, 
badiiy tafakkur qonuniyatlari, go`zallikning mohiyati, moddiy borliq va san`atning turli 
sohalarida shakl va ma`no uyg`unligi masalalari ushbu fanning asosiy mavzusi (predmeti) ni 
tashkil qiladi. 
 
Axloqiy tafakkur
- murakkab tarkibli tafakkur turlaridan, insonlarning amaliy faoliyatini 
muayyan ma`naviy-axloqiy tartib-qoidalar nuqtai nazaridan baholash. 
 
Siyosiy tafakkur
- murakkab tarkibli tafakkur turlaridan, ijtimoiy hodisalarga muayyan siyosiy 
manfaatlar nuqtai nazaridan yondoshish. 
 
Huquqiy tafakkur
- murakkab tarkibli tafakkur turlaridan, insonlarning xatti harakatlariga 
muayyan qonunlar bilan belgilangan huquqiy normalar nuqtai nazaridan yondoshish. 
 
Jahon madaniyati
- turli o`lka va mintaqalarning o`ziga xos madaniyatlari majmuidan iborat 
bo`lib, mavhum bir shakldagi umuminsoniy madaniyat hayotda asli mavjud emas. Insoniyat 
tarixiy taraqqiyoti jarayonida avval muayyan kichik jamoalar doirasida shakllangan madaniyat 
unsurlari bora-bora kengroq miqyos kasb etib, turli elat va millatlar, mintaqalar madaniyati 
darajasiga ko`tarilib bordi va nihoyat YAngi davrga kelib yaxlit bir voqelik sifatida idrok etila 
boshladi. 
 
Umuminsoniy (ma`naviy) qadriyatlar - 
ularni biror-bir alohida xalq yaratmaydi, aslida dastlab 
har bir millat ma`naviy qadriyatlari o`ziga xos tizim shaklida namoyon bo`ladi, keyinroq har bir 
xalq, har bir elat o`z tarixiy tajribasi davomida asta-sekin shakllantirib borgan bunday tizimlar 
turli elat va millatlarning o`zaro munosabatlari tufayli bir-birini tushunish, barcha xalqlar uchun 
umumiy bo`lgan jihatlarni tadrijiy anglab borish jarayonida asta-sekin umuminsoniy mohiyat 
kasb etib boradi. Zotan, milliy ma`naviyatimiz zamirini bizni o`zgalardan ajratib turuvchi 
mohiyatlar emas, balki birlashtiruvchi omillar tashkil etadi.