Namangan davlat universiteti madaniyatshunoslik

 
Millat (tuyg`usi)
- milliy ma`naviyatimizga xos Oliy ma`naviy qadriyat, inson ruhining Borliq 
haqiqati bilan uyg`unlashuvining uchinchi darajasi, har bir insonning muayyan (o`z tili, davlati, 
ma`naviy, siyosiy va hududiy birligiga ega bo`lgan) insonlar uyushmasiga o`zini aloqador 
ekanligini anglab etishi. 
 
Adolat (tuyg`usi)
- milliy ma`naviyatimizga xos Oliy ma`naviy qadriyat, inson ruhining Borliq 
haqiqati bilan uyg`unlashuvining to`rtinchi darajasi, ma`naviyatning siyosat sohasida (ya`ni, 
insonlar aro munosabatlarda) akslanishi (yuzaga chiqishi). 
 
Haqiqat (tuyg`usi)
- milliy ma`naviyatimizga xos Oliy ma`naviy qadriyat, inson ruhining Borliq 
haqiqati bilan uyg`unlashuvining eng yuqori darajasi, inson ma`naviy kamolotining tasavvur 
qilish mumkin bo`lgan ideal holati. 
 
Milliy ma`naviyat
– har bir millatga qaysidir bir tarzda aloqador hisoblanuvchi o`tmish, bugun 
va kelajakdagi barcha shaxslar ma`naviyati majmuini muayyan bir tizim sifatida anglanishi. 
Milliy ma`naviyatimiz ham tarixiy hodisa, ham zamonaviy voqelik bo`lib, millatning o`tmishi, 
buguni, hamda kelajagini o`zida mujassam etadi. U millatimizning ma`naviy takomil jarayoni 
bilan bog`liq va nafaqat ajdodlarimiz yaratgan ma`naviy merosda, balki bugungi kun va kelajak 
avlodlarning hayotga munosabatida, orzu-istaklarida o`z aksini topgandir. Uning teranligi va 
ko`lami ajdodlarimizning ming yillar davomida to`plagan yaxlit tarixiy-ma`naviy tajribasi bilan 
belgilanadi, shu bilan birga xalq donishmandligining turli suratlarda zuhur etishi ham u haqdagi 
nazariy xulosalarning manbai bo`lib xizmat qiladi. 
 
Madaniyat
- inson ma`naviy faoliyatining hosilasi, ma`naviyatning moddiy voqelikdagi izlari. 
Boshqacha qilib aytganda, ma`naviyat botiniy imkon bo`lsa, madaniyat - ushbu imkondan 
tug`ilgan voqe` mavjudlik. SHaxs va millat ma`naviyatining nazariy masalalarini o`rganish 
uchun ilojsiz ravishda ayni shu voqe` mavjudlik dalillaridan kelib chiqishga to`g`ri keladi 
Ma`naviyat sohasiga aloqador barcha fanlarning mavzulari ham aslida ana shu mavjud voqe`lik 
dalillariga tayangan holda ishlab chiqilishi tabiiy holdir.