12-mavzu. O‘zbekiston va jahon hamjamiyati Reja

Tashqi siyosiy faoliyatning yangilangan kontseptsiyasi 
Yangi O‘zbekiston o‘z tashqi siyosati va mintaqaviy xavfsizlik masalalariga 
jahondagi murakkab vaziyatdan kelib chiqqan holda yondashmoqda. MDH 
hududida va mintaqa atrofida murakkab vaziyat vujudga kelayotgan sharoitda, 
uzoq va yaqin atrofimizda turli qarama-qarshiliklar tobora kuchayib borayotgan bir 
paytda, mamlakatimiz tinchligi va farovonligini saqlash, yon-atrofimizdagi 
davlatlar va xalqlar bilan o‘zaro bir-birini tushunish va hamjihatlikda yashash 
uchun shart-sharoitlarni ta’minlashga qaratilgan tashqi siyosat xalqimizning asl 
orzu-umidi va intilishlariga mos keladi. O‘zbekiston Respublikasining tashqi 
siyosati zamirida aynan shunday qarash va yondashuvlar mujassamdir. 

---

O‘zbekiston shu tashqi siyosatni og‘ishmay amalga oshirmoqda. 
O‘zbekistonning sa’y-harakatlari bilan Markaziy Osiyo mintaqasida o‘zaro 
do‘stona siyosiy iqlim yaratildi. Uzoq yillar davomida saqlanib kelgan chegara 
masalalari hal etildi. Markaziy Osiyoning mustaqillik tarixida ilk bor mintaqaviy 
integratsiyaning qiyofasi ko‘zga tashlandi. Markaziy Osiyo mamlakatlari 
o‘rtasidagi savdo-iqtisodiy aloqalar so‘nggi 4 yil ichida misli ko‘rilmagan darajada 
o‘sdi.
Murojaatnomada O‘zbekiston tashqi siyosatining asosiy tamoyillari, ustuvor 
yo‘nalishlari davlat rahbarining diqqat markazida bo‘ldi. Ochiqliq pragmatiklik va 
amaliylik – tashqi siyosatning eng muhim tamoyillari bo‘lib qoladi. Eng muhim 
yangiliklardan biri normativ xarakterga ega bo‘lib, gap O‘zbekiston tashqi 
siyosatining tamoyillari va ustuvor yo‘nalishlarini qamrab oluvchi hujjat haqida 
ketmoqda. Ma’lumki, O‘zbekistonning tashqi siyosati so‘nggi yillarda tubdan 
o‘zgardi. Ammo bugungi davr amaldagi tashqi siyosiy faoliyat kontseptsiyasiga 
nisbatan o‘zgarishlarni talab etmoqda. Amaldagi tashqi siyosiy faoliyat 
kontseptsiyasi bu, davlatimiz tashqi siyosatining fundamental printsiplari va 
strategik ustuvor yo‘nalishlarini, xalqaro maydondagi maqsad va vazifalarini, o‘rta 
va uzoq istiqbolda O‘zbekiston milliy manfaatlarini ilgari surish mexanizmlarini 
belgilab beradigan qarashlarning yaxlit tizimidir.
Murojaatnomada bugungi kundagi siyosatni inobatga olib hamda uzoq 
muddatli 
strategik 
maqsadlardan 
kelib 
chiqqan 
holda, 
O‘zbekiston 
Respublikasining Tashqi siyosiy faoliyat kontseptsiyasini takomillashtirish taklifi 
ilgari surildi.