"iqtisodiyot va menejment "

Nazorat savollari: 
1.
Axborot nima va uning boshqaruvdagi roli nimadan iborat? 
2.
Teskari aloqa nima? 
3.
Axborotlar qanday turkumlanadi? 
4.
Murakkab axborot tizimini tushuntirib bering. 
5.
Kommunikatsiya nima? Kommunikatsion jarayon deganda nimani tushunasiz? 
6.
Shaxslararo axborot almashuvda qanday muammolar tug’ilishi mumkin? 
7.
Tashkiliy kommunikatsiya to`siqlari nimalardan iborat? 
8.
Tashkilotda kommunikatsiyani takomillashtirish yo`llarini ayting. 
 
Tayanch iboralar: 
axborot, axborot almashinuvi, ichki axborot, tashqi 
axborot, teskari aloqa, shovqin, axborotlar tizimi, oddiy tizim, murakkab tizim, 
kommunikatsiya, rasmiy kommunikatsiya, norasmiy kommunikatsiya, vertikal 
kommunikatsiya, gorizontal kommunikatsiya, kanal, kodlashtirish, dekodlashtirish, 
tashkiliy kommunikatsiya, ilmiy-texnik axborotlar, komp’yuter texnologiyalari.

---

288 
XII BOB. BOSHQARUV QARORLARINI QABUL QILISH VA UNI
TAKOMILLASHTIRISH YO`LLARI. 
12.1.Boshqaruv qarorlarining mohiyati va ularga
qo`yiladigan talablar. 
 
Qaror 
– bu bajarilishi lozim bo`lgan ishning aniq bir yo`lini tanlab olishdir.
Qaror – bu muqobil tanlov. Bunday qarorlarni har birimiz bir kunda o`nlab-
yuzlab, bir umr davomida esa minglab qabul qilamiz. Masalan, kiyim javonidagi 
qaysi bir kiyimni tanlab kiyish, taomnomadan qaysi ovqatni, manzilga yetib 
olishda qaysi transport turini, qanday kasbni tanlash va h.k.z. Bunday misollarni 
ko`plab keltirish mumkin.
Biroq, boshqaruvda qaror qabul qilish shaxsiy hayotdagiga nisbatan 
tizimlashtirilgan jarayondir. Shaxs tomonidan qilingan xususiy tanlov eng avvalo 
o`zining shaxsiy hayotiga va birmuncha u bilan bog’liq bo`lgan odamlarga ta`sir 
ko`rsatadi. Menejer ta`sir yo`nalishini faqat o`zi uchun emas, balki tashkilot va 
boshqa ishchilar uchun ham tanlaydi.