Илм-фан ва таълимнинг ривожланиш истиқболлари тўртинчи конференцияси тўплами 27 июль 2020 йил

Использованная литература
1. Фируз Аллаев. Секреты легкого изучения иностранного языка. Статья
"Prospects of Development of Science and Education" Conference Proceedings
27 July 2020
www.openscience.uz
126

---

2. Мехри Норова. Использование лексических единиц и лексическое
преобразование в переводе. Статья. 
3.
www.metodica.net
"Prospects of Development of Science and Education" Conference Proceedings
27 July 2020
www.openscience.uz
127

---

«ТЕОРЕМА» РОМАНИДА МЕТАФОРИК МАЗМУНЛИ МАТНЛАР
Сулаймонов Бобур Нодир ўғли
[e-mail]
СамДУ
Аннотация:
Ўзбек тилшунослигида метафорик мазмундаги матнлар, яъни
концептуал когнитив матний метафоралар импликацияни вужудга келтирувчи
омил сифатида назарий баҳоланган. Ушбу мақолада матн-метафоралар
хусусида сўз юритилиб, улар ёзувчи Темирбек Тўрабоевнинг «Теорема»
романи мисолида таҳлил қилинган.
Калит сўзлар:
бадиий матн, коннотатив маъно, метафоралар, матн
метафоралар, метафорик матнлар.
«Теорема» романида қўлланган метафораларни кузатишларимизга таяниб
айтишимиз мумкинки, асар яхлитлигича ёзувчининг индивидуал услубига хос
метафоралардан иборат десак муболаға бўлмас. Таъкидланганидек:
«метафоралар нафақат кундалик ҳаёт, нафақат тил, балки тафаккур ва
фаолиятимизга ҳам кириб боради. Бизнинг кундалик тушунчавий тизимимиз
ҳам ўз моҳиятига кўра метафорикдир». [1.387] Ёзувчи романда «т» ҳарфи билан
бошланувчи лексемалар асосида метафоранинг барча шаклий структурал
кўринишларини ҳосил қилган. 
Биз бу мақолада метафораларнинг яна бир формал кўриниши матн-
метафоралар ҳусусида сўз юритамиз. Ўзбек тилшунослигида метафорик
мазмундаги матнлар, яъни концептуал когнитив матний метафоралар
импликацияни вужудга келтирувчи омил сифатида назарий баҳоланган. Бадиий
матнда шакллантирилган концептуал метафорадан англашиладиган маънодан
англашиладиган когнитив фон китобхоннинг лисоний онгида мавжуд
бўлсагина қабул қилинади. Дарҳақиқат, маъно кўчиш усулларидан бири
ҳисобланган метафораларнинг юзага келиши инсон когнитив фаолиятига
боғлиқ бўлиб, даставвал инсон тафаккурида шаклланади, у кўрган нарсасини
ифодалаш учун тасаввуридаги муайян нарсага ўхшатиши натижасида метафора
юзага келади. Шунинг учун тилимизда фалсафий мушоҳадаларнинг имманент
бирлиги бўлган нодир метафораларнинг яратилиши сўз санъаткорларидан
улкан маҳорат талаб қилади. 
Метафорик маъноли сўз ёки жумланинг микроматн референциясига
муносабати ҳамда матн яратилишидаги ўрнини махсус ўрганган
Д.Худойберганова шундай дейди: «Метафоранинг матнда воқеланишига турли
жиҳатлардан ёндашиш мумкин. Ўзбек тилшунослигида метафоралар назарий
"Prospects of Development of Science and Education" Conference Proceedings
27 July 2020
www.openscience.uz
128

---

жиҳатдан тадқиқ этилган ишларда тадқиқотчилар, асосан, сўз-метафоралар
ҳақида фикр юритганлар. Метафора қўлланган матнлар шуни кўрсатадики,
уларда нафақат тушунча, балки муайян вазият ифодаси ҳам метафорага
асосланиши мумкин. Шу боисдан метафораларни сўз, сўз бирикмаси, гап, матн
шаклидаги метафоралар сифатида ўрганиш мақсадга мувофиқдир. Биз илмий
истилоҳга гап-метафора ва матн-метафора терминларини киритишни таклиф
қиламиз». [2. 94-100, 144-151] Дарҳақиқат, метафора муаммоси ўзбек
тилшунослигида етарли даражада ўрганилган бўлса-да, илмий адабиётларда
«гап-метафора», «матн-метафора» сингари терминлар учрамайди. Ваҳоланки,
ўзбек бадиий адабиётида бунга мисоллар жуда кўп. 
Шу ўринда «Теорема» романидан гап шаклидаги метафоралардан мисол
келтирамиз: