|
Дунё глобаллашув жараёни ва Ўзбекистон ёшлари
2001-2016 йилларда фаолият юритган “Камолот” ёшлар ижтимоий ҳаракати
маълум маънода ёшларнинг кўмакчиси ва бирлаштирувчи марказ вазифасини
бажарди. Аммо бу ҳаракат бутун Ўзбекистон ёшларини ўз атрофида бирлаштира
олмаганлиги, ташкилотнинг асосий муаммоларидан биридир. Республиканинг
чекка ва олис ҳудудлари ёшларининг аксарияти “Камолот” ЁИҲ эътиборидан
четда қолиб, уларнинг мавжуд муаммолари ўрганилиб, уларни бартараф этиш
бўйича аниқ таклифлар ва амалий ёрдам кўрсатилмаган. Бу ўз навбатида ҳаракат
фаолиятидан норозиликларни келиб чиқишига олиб келди ва ёшлар ташкилот-
лари, хусусан, “Камолот” ЁИҲ фаолиятидаги камчиликлар, юзасидан танқидий
муносабатлар билдирилиб, бир гуруҳ талаба ёшлар томонидан “Камолот” ЁИҲ
билан рақобатдош “Президент қанотлари” ёшлар ҳаракатини тузиш таклифи
ҳамбилдирилган эди[8]. Бу каби эътироз ва таклифлар негадир эътиборсиз
қолдирилган ва “Камолот” ЁИҲ марказий Кенгаши ва жойлардаги бўлимлари бу
каби танқидлардан хулоса чиқармасдан, иш фаолияти деярли ўзгаришсиз давом
этди. Мазкур ташкилот ўз фаолияти давомида республика ёшларини ишончини
тўла намоён эта олмади.
2017 йилнинг 30 июнь куни Ўзбекистон “Камолот” ЁИҲнинг IV қурултойи
бўлиб ўтди. Қурултойда илк бор Ўзбекистон Республикаси Президенти Шавкат
Мирзиёевнинг иштирок этиши ва давлатимиз раҳбари томонидан “Камолот”
ЁИҲ фаолиятидаги жиддий камчиликларни кўрсатиб берилиши, мамлакати-
мизда ёшларга оид давлат сиёсатини амалга ошириш муҳим вазифа сифатида
уни долзарб йўналишга кўтарди. Мазкур қурултойда ушбу ташкилот ўрнида ре-
спублика ёшларининг барча тоифа ва гуруҳларини қамраб олувчи, янгича маз-
мун касб этувчи мутлақо янги ташкилот - “Ўзбекистон ёшлар иттифоқи” ташкил
этилди. Мазкур санани республикамизда “Ёшлар куни” сифатида нишонлаш
белгиланди. 2017 йил 5 июль куни янги тузилган ташкилотни қўллаб-қувватлаш
ваҳуқуқий жиҳатдан мустаҳкамлаш мақсадида Ўзбекистон Республикаси Прези-
дентининг “Ёшларга оид давлат сиёсати самарадорлигини ошириш ва Ўзбекистон
ёшлари иттифоқи фаолиятини қўллаб–қувватлаш тўғрисида”ги Фармони қабул
қилинди. Фармонга кўра, “Ўзбекистон Ёшлар иттифоқи”нинг вилоят, туман,
шаҳарлардаги ташкилот раҳбарларининг ваколатлари кенгайтирилди. Улар
жойларда вилоят ҳокимларининг ёшлар масалалари бўйича маслаҳатчилари
этиб тайинланиши ёшларга тўғридан тўғри давлат раҳбарига муаммолар юза-
сидан мурожаат қилиш ваколатини тақдим этди. “Камолот” ЁИҲ ўрнида тузил-
ган ҳамда унга нисбатан кенгроқ ваколатларга эга бўлган “Ўзбекистон Ёшлар
иттифоқи” бугунги кунда республиканинг барча вилоят, туман ва шаҳарларида
барча таълим муассасалари, корхона ва ташкилотларда фаол, самарали, фаолият
олиб бормоқда. Ҳозирда “Ўзбекистон Ёшлар иттифоқи” ва “Камалак” болалар
ташкилотиреспублика ҳудудлари кесимида турли тоифадаги жами 10 миллион
нафардан ортиқ ёшларни ягона мақсад йўлида бирлаштира олди.
80
Дунё глобаллашув жараёни ва Ўзбекистон ёшлари
Ўзбекистонда ёшлар ташкилотлари фаолиятининг йилдан йилга такомилла-
шиб бориши республика келажаги бўлган ёшлар билан боғлиқ турли муаммола-
рини ўрганиб, бартараф этилишида муҳим аҳамият касб этмоқда. Хусусан, 2020
йил 30 июнь-Ёшлар кунида Олий Мажлис Сенати ҳузурида Ёшлар парламенти-
ни фаолият бошлаши кутилмоқда[9]. Бу эса ўз навбатида республика ёшларини
миллий қонунчилигимиз билан яқиндан танишиб бориш, ҳуқуқий саводхонли-
гини доимий ошириб боришга имконият яратади.
Таъкидлаш лозимки, турли зиддиятлар кучайиб бораётган бугунги дунё
манзараларида ёшларимизнинг маънавий иммунитетини кучайтириш, уларнинг
бўш вақтини мазмунли ўтказиш ҳар қачонгидан ҳам долзарброқ эканини замон-
нинг ўзи кўрсатиб турибди.
Тобора глобаллашув жараёнлари авж олиб бораётган бир даврда эса ёш-
лар камолоти ва тарбияси муҳим аҳамиятга эга. Шу боисдан ҳам Ўзбекистон
Респуб ликаси Президенти Ш.Мирзиёев 2017 йил 19 сентябрда БМТ Бош Ас-
самблеясида нутқ сўзлаб “... ёшларнинг онгу тафаккурини маърифат асосида
шакллантириш ва тарбиялаш энг муҳим вазифадир. Экстремистик фаолият ва
зўравонлик билан боғлиқ жиноятларнинг аксарияти 30 ёшга етмаган ёшлар то-
монидан содир этилмоқда. Бугунги дунё ёшлари – сон жиҳатидан бутун инсо-
ният тарихидаги энг йирик авлоддир, чунки улар 2 миллиард кишини ташкил
этмоқда. Сайёрамизнинг эртанги куни, фаровонлиги фарзандларимиз қандай
инсон бўлиб камолга етиши билан боғлиқ. Бизнинг асосий вазифамиз – ёшлар-
нинг ўз салоҳиятини намоён қилиши учун зарур шароитлар яратиш, зўравонлик
ғояси “вируси” тарқалишининг олдини олишдир.
Бунинг учун ёш авлодни ижтимоий қўллаб-қувватлаш, унинг ҳуқуқ ва ман-
фаатларини ҳимоя қилиш борасидаги кўп томонлама ҳамкорликни ривожланти-
риш лозим”, деб таъкидлади.
Шу муносабат билан Ўзбекистон Президенти БМТ Бош Ассамблеяси мин-
баридан туриб, глобаллашув ва ахборот-коммуникация технологиялари жа-
дал ривожланиб бораётган бугунги шароитда ёшларга оид сиёсатни шакллан-
тириш ва амалга оширишга қаратилган умумлаштирилган халқаро ҳуқуқий
ҳужжат – БМТнинг Ёшлар ҳуқуқлари тўғрисидаги халқаро конвенциясини
ишлаб чиқишни таклиф этади. Ўзбекистоннинг мазкур халқаро ташаббуси ўз
вақтида билдирилган муҳим воқелик эди. Чунки, ёшлар таълими, маънавияти,
ҳуқуқлари, камолоти каби масалалар бугун ҳар кунгидан ҳам долзарб аҳамият
касб этиб бормоқда.
Шу маънода Президентимиз томонидан илгари сурилган 5 та муҳим ташаб-
бус республика ёшларини бўш вақтини мазмунли ўтказиш, маънавий етук ва
жисмонан соғлом, ватанпарвар ҳамда фидойи этиб тарбиялаш билан бир қаторда
ҳудудлар бўйлаб иқтидорли ёш авлод вакилларини аниқлаб фаолиятини ривож-
лантиришда муҳим аҳамият касб этмоқда. Юқорида кўрсатилган мақсад вазифа-
ларни амалга оширишда бевосита ёшлар ташкилотлари фаолияти алоҳида ўрин
эгаллайди.
81
Дунё глобаллашув жараёни ва Ўзбекистон ёшлари
Do'stlaringiz bilan baham: |
