Loyiha matni 49901-(61999)

114-modda. Tadbirkorlikni davlat tomonidan tartibga solishning vazifalari
Quyidagilar tadbirkorlikni davlat tomonidan tartibga solishning asosiy vazifalari hisoblanadi:
aholining hayoti va sogʻligʻini hamda atrof-muhitni muhofaza qilish;
isteʼmolchilar huquqlarini himoya qilish;
milliy iqtisodiyotga investitsiyalarni jalb qilishni ragʻbatlantiruvchi tartibga solish muhitini
shakllantirish;
iqtisodiyotda sogʻlom raqobatni rivojlantirish uchun shart-sharoitlar yaratish;
tadbirkorning ishchanlik obroʻsi qadr-qimmatiga asoslangan holda biznesni insofli yuritishni
ragʻbatlantirish;
oʻzini-oʻzi tartibga solishni rivojlantirishga koʻmaklashish.

---

project.gov.uz
06.06.2022
50
115-modda. Tartibga solish vositalarini joriy etishning huquqiy asoslari
Tadbirkorlikni davlat tomonidan tartibga solish tadbirkorlik subyektlari uchun majburiy boʻlgan
tartibga solish vositalarini belgilash orqali amalga oshiriladi.
Tartibga solish vositalari normativ-huquqiy hujjat asosida joriy etiladi.
Normativ-huquqiy hujjat hisoblanmagan hujjatlarda (bundan texnik jihatdan tartibga solish
sohasidagi normativ hujjatlar mustasno) tadbirkorlikni tartibga solish vositalarini joriy etishga yoʻl
qoʻyilmaydi.
Normativ-huquqiy hujjat hisoblanmagan hujjatlarda (bundan texnik jihatdan tartibga solish
sohasidagi normativ hujjatlar mustasno) belgilangan tartibga solish vositalari tegishli ijtimoiy
munosabatlarni huquqiy jihatdan tartibga solish uchun asos boʻlib xizmat qilishi mumkin emas hamda
huquqiy oqibatlarga olib kelmaydi.
116-modda. Tadbirkorlikni davlat tomonidan tartibga solish shakl va vositalari
Tadbirkorlikni davlat tomonidan tartibga solish tartibga solishning quyidagi shakl va vositalari
orqali amalga oshiriladi:
1) tadbirkorlik faoliyati subyektlarini davlat roʻyxatidan oʻtkazish;
2) tadbirkorlik subyektlari tomonidan ayrim faoliyat turlarini amalga oshirish uchun
litsenziyalash, ruxsat berish hamda xabardor qilish tartib-taomillarini joriy etish;
3) texnik jihatdan tartibga solish;
4) narx va tariflarni tartibga solish;
5) Oʻzbekiston Respublikasining qonunlarida belgilangan tartibda tadbirkorlik subyektlarining
fuqarolik javobgarligini majburiy sugʻurta qilish;
6) davlat nazorati;
7) raqobatni himoya qilish va monopolistik faoliyatni cheklash;
8) Oʻzbekiston Respublikasining qonunlari bilan tadbirkorlik subyektlari hamda ular mansabdor
shaxslarining javobgarligini oʻrnatish;
9) axborot vositalarini joriy etish;
10) oʻzini-oʻzi tartibga soluvchi tashkilotga majburiy aʼzolik (ishtirok etish) asosida oʻzini-oʻzi
boshqarishni joriy etish.
Oʻzbekiston Respublikasining qonunchilik hujjatlari bilan tartibga solishning boshqa shakl va
vositalari belgilanishi mumkin.