Loyiha matni 49901-(61999)

110-modda. Ijtimoiy korxonalar reyestrini yuritish tartibi

---

project.gov.uz
06.06.2022
48
Vakolatli davlat organi idoralararo elektron hamkorlik doirasida soliq organlaridan olingan
axborot asosida tadbirkorlik subyektini ijtimoiy korxonalar reyestriga jamoatchilik tanishib chiqishi
uchun kiritadi. Ijtimoiy korxonalar reyestri ijtimoiy korxonalarning elektron axborot bazasiga va vakolatli
davlat organning rasmiy veb-saytiga joylashtiriladi.
Ijtimoiy korxonalar reyestrida ijtimoiy korxona toʻgʻrisidagi quyidagi asosiy maʼlumotlar
koʻrsatilgan boʻlishi kerak:
nomi, tashkiliy-huquqiy shakli, joylashgan yeri (pochta manzili), telefon raqami, elektron pochta
manzili, soliq toʻlovchining identifikatsiya raqami;
ijtimoiy korxona rahbarining familiyasi, ismi, otasining ismi;
ijtimoiy korxonalar reyestriga kiritilgan (chiqarilgan) sana va raqami.
Vakolatli davlat organi tadbirkorlik subyektlarini ular ijtimoiy korxonalar reyestriga kiritilgan
kundan eʼtiboran bir kundan kechiktirmay yozma yoki elektron shaklda xabardor qiladi.
Ijtimoiy korxonalar reyestriga kiritilganidan soʻng ushbu Kodeks 109-moddasining birinchi
qismida nazarda tutilgan mezonlarga muvofiq kelmay qolgan yoki tugatilgan taqdirda, ijtimoiy korxona
ijtimoiy korxonalar reyestridan chiqariladi.
Vakolatli davlat organi ijtimoiy korxonani u ijtimoiy korxonalar reyestridan chiqarilgan kundan
eʼtiboran bir kundan kechiktirmay yozma yoki elektron shaklda xabardor qiladi.
Ijtimoiy korxona ushbu Kodeks 109-moddasining birinchi qismida nazarda tutilgan mezonlar
buzilgan holda ijtimoiy korxonalar reyestriga kiritilgan taqdirda, u ijtimoiy korxonalarning reyestridan
chiqariladi va mazkur korxonani ikki yil davomida ushbu reyestrga kiritish taqiqlanadi.
Oʻz faoliyatini favqulodda vaziyatlarga qarshi kurashishga qaratilgan tovarlar ishlab chiqarishga,
ishlarni bajarishga va xizmatlar koʻrsatishga oʻzgartirgan tadbirkorlik subyekti favqulodda vaziyatlarning
oqibatlari bartaraf etilgan yoki favqulodda vaziyatlar holati bekor qilingan oydan keyingi oyning birinchi
sanasidan eʼtiboran ijtimoiy korxonalar reyestridan chiqarilgan deb hisoblanadi.