Loyiha matni 49901-(61999)

277-modda. Tadbirkorlik subyektining axborot olishini taʼminlash
Davlat organlari, fuqarolarning oʻzini oʻzi boshqarish organlari, davlat unitar korxonalari,
muassasalari, tashkilotlari va mansabdor shaxslari tadbirkorlik subyektiga daxldor boʻlgan qonunchilik
hujjatlari bilan, shuningdek hujjatlar, qarorlar va boshqa materiallar bilan tanishib chiqish imkoniyatini
yaratib berishga majburdir. Axborot olish imkoniyati qonunchilik hujjatlarini va tegishli materiallarni
eʼlon qilish va tarqatish yoʻli bilan taʼminlanadi.
Tadbirkorlik subyektlariga daxldor axborot uning soʻroviga binoan tekinga beriladi.
Boshqa axborotni berganlik uchun tomonlarning kelishuviga muvofiq yoki qonunchilik
hujjatlarida belgilangan tartibda haq olinishi mumkin.
Davlat organlari, fuqarolarning oʻzini oʻzi boshqarish organlari, davlat unitar korxonalari,
muassasalari, tashkilotlari va mansabdor shaxslari davlat siri yoki qonun bilan qoʻriqlanadigan boshqa
sirdan iborat axborotni berishlari mumkin emas.
278-modda. Tadbirkorlik faoliyati uchun kadrlar tayyorlashni davlat tomonidan qoʻllab-
quvvatlash
Davlat tadbirkorlik subyektlari kadrlarini tayyorlash, qayta tayyorlash va ularning malakasini
oshirish tizimi rivojlantirilishini taʼminlaydi.
Qishloq joylardagi tadbirkorlik subyektlari kadrlarini tayyorlash, qayta tayyorlash va ularning
malakasini oshirishni amalga oshiruvchi tashkilotlar qonunchilik hujjatlarida belgilangan tartibda
imtiyozlardan foydalanadi.
5-§. Ayollar va yoshlar tadbirkorligini qoʻllab-quvvatlash
279-modda. Ayollar tadbirkorligi tushunchasi
Quyidagi mezonlardan biriga javob beradigan tadbirkorlik faoliyati ayollar tadbirkorligi deb
eʼtirof etiladi:
1) tadbirkorlik subyektini boshqarishda ayol kishi (ayollar) toʻliq javobgar boʻlsa;
2) tadbirkorlik subyekti boshqaruv organlari tarkibining kamida uchdan bir qismini ayollar
tashkil etsa;

---