Loyiha matni 49901-(61999)

V. BOʻLIM. TADBIRKORLIK SUBYEKTLARI FAOLIYATINI IXTIYORIY TOʻXTATIB
TURISH VA TUGATISH

---

project.gov.uz
06.06.2022
115
20-bob. Umumiy qoidalar
233-modda. Tartibga solinadigan munosabatlar
Ushbu boʻlim tadbirkorlik subyektlari-yakka tartibdagi tadbirkor faoliyatini ixtiyoriy toʻxtatib
turish, tadbirkorlik subyektlarini (faoliyatini) tugatish bilan bogʻliq munosabatlarni tartibga soladi.
Mazkur boʻlim talablari:
qonun hujjatlarida nazarda tutilgan toʻlovga qobiliyatsiz alomatlari boʻlgan tadbirkorlik
subyektlarni;
banklar va kredit byurolari, ularning filiallari va vakolatxonalarini tugatishga nisbatan tatbiq
etilmaydi.
Banklar va kredit byurolari faoliyatini tugatish tartibi Oʻzbekiston Respublikasi Markaziy banki
tomonidan belgilanadi.
234-modda. Asosiy tushunchalar
Ushbu boʻlimda quyidagi asosiy tushunchalar qoʻllaniladi:
moliya-xoʻjalik faoliyati – tadbirkorlik subyekti-yuridik shaxsning mahsulot ishlab chiqarish,
ishlarni bajarish, savdo va xizmat koʻrsatish, shuningdek buxgalteriya, moliya, statistika, bank hujjatlari
va boshqa hujjatlarni yuritish bilan bogʻliq faoliyati;
tugatish – roʻyxatdan oʻtkazuvchi organ tomonidan Tadbirkorlik subyektlarining yagona davlat
reyestriga tadbirkorlik subyektini tugatish toʻgʻrisidagi yozuvlarni qayd etish;
tugatuvchi – tijorat tashkiloti muassisi(lari) (qatnashchilari) yoki u(lar) tomonidan tayinlangan
shaxs(lar) (tugatish komissiyasi). Yakka tartibdagi tadbirkor tomonidan uning faoliyatini toʻxtatish uchun
belgilangan tartibda tayinlangan jismoniy shaxs ham tugatuvchining vakolatlaridan foydalanadi;
harakatsiz holatga oʻtkazish – moliya-xoʻjalik faoliyatini amalga oshirmayotgan tadbirkorlik
subyekti-yuridik shaxsni ixtiyoriy tugatish choralari koʻrilmaganda, ularni davlat reyestridan chiqarishga
qadar qoʻllaniladigan chora.