Loyiha matni 49901-(61999)

224-modda. Tadbirkorlik faoliyatida taqiqlangan raqobatga qarshi harakatlar
Tadbirkorlik subyektlariga tovar, moliya yoki raqamli bozorlarda amalga oshirish taqiqlangan

---

project.gov.uz
06.06.2022
111
raqobatni cheklaydigan yoki cheklashi mumkin boʻlgan harakat turlariga quyidagilar kiradi:
raqobatga qarshi kartel kelishuvlar;
raqobatga qarshi muvofiqlashtirilgan harakatlar;
ustun (monopol) mavqeni suiisteʼmol qilish;
yuqori muzokara ustunligini suiisteʼmol qilish;
insofsiz raqobat;
tender, auksion, birja va boshqa savdolarda raqobatga qarshi harakatlar.
Mazkur moddaning birinchi qismida nazarda tutilgan harakatlarning taʼrifi va aniqlash tartibi
Oʻzbekiston Respublikasining “Raqobat toʻgʻrisida”gi Qonunida belgilanadi.
225-modda. Davlat organlarining raqobatga qarshi taqiqlangan harakatlari
Davlat organlari va tashkilotlariga tovar, moliya va raqamli bozorlarda raqobatni cheklashga olib
keluvchi yoki olib keladigan qarorlar qabul qilishi va (yoki) harakatlarni amalga oshirishi (harakatsizligi),
shu jumladan quyidagilar taqiqlanadi:
faoliyatning biror-bir sohasida yangi tadbirkorlik subyektlarni tashkil etishga cheklovlar joriy
etish, shuningdek faoliyatning ayrim turlarini amalga oshirish yoki muayyan tovarlar ishlab chiqarishga
nisbatan taqiqlar yoki cheklovlar joriy etish;
tadbirkorlik subyektlarining bozorga kirishini cheklash yoki undan chiqarib tashlash;
tadbirkorlik subyektlari faoliyatiga asossiz ravishda toʻsqinlik qilish, shu jumladan tovarlar yoki
tadbirkorlik subyektlariga qonunchilik hujjatlarida nazarda tutilmagan talablarni oʻrnatish;
davlat xizmatlarini, shuningdek davlat xizmatlarini koʻrsatishda zarur va majburiy boʻlgan
xizmatlar koʻrsatishda qonunchilik hujjatlarida nazarda tutilmagan toʻlovlarni undirish;
Oʻzbekiston Respublikasi hududida tovarlarning erkin aylanishiga taqiqlar oʻrnatish yoki
cheklovlar joriy etish, tadbirkorlik subyektlarining tovarlarni sotish, sotib olish, boshqacha tarzda olish,
ayirboshlashiga nisbatan boshqa cheklovlarni joriy etish;
bozorda raqobatni cheklaydigan yoki cheklashga olib keluvchi kamsituvchi yoki imtiyozli
shartlar (sharoitlar) belgilash, shu jumladan:
ayrim xoʻjalik yurituvchi subyektlarga ustuvor tarzda axborotdan foydalanishi imkoniyatini
berish;
bozorda ayrim xoʻjalik yurituvchi subyektlarni boshqa xoʻjalik yurituvchi subyektlarga nisbatan
afzal holatga qoʻyadigan davlat imtiyozlari, preferensiyalar, yengilliklar va mutlaq huquqlar berish;
shartnomalar tuzishda ayrim xoʻjalik yurituvchi subyektlarga ustunlik berish, sotib
oluvchilarning muayyan doirasiga tovar (ish, xizmat)larni birinchi navbatda realizatsiya qilish;
ayrim xoʻjalik yurituvchi subyektlarning faoliyati uchun boshqa kamsituvchi yoki imtiyozli
shartlar (sharoitlar) yaratish;
tadbirkorlik subyektlarining iqtisodiy faoliyatiga asossiz aralashishi, shu jumladan:

---