Surunkali laringitlar. (Larynqitis chronica)

2-to‘liq bo‘lmagan kompensatsiya bosqichi. 
Bu bosqichda nafas olish 
qiyinlashganligi sababli barcha nafas olishga ta’luqli mexanizmlari ishga 
tushadi. Nafas olishda zo‘riqish xolati kuzatiladi, nafas shovqin bilan davom 
etadi va masofadan eshitiladi. Bemor o‘ziga qulay joy topishga xarakat qilib 
bezovtalangan, teri rangi oqargan. Nafas olishda nafaqat ko‘krak qafasi 
mushaklari, balki o‘mrov osti va usti, bo‘yin xamda qobirga oralari mushaklari
ishtirok etadi. Kerakli darajadagi xavo almashinuvi endilikda ancha zo‘riqib 
amalga oshadi va nafas olish bilan nafas chiqarish orasidagi muddat keskin 
yo‘qoladi, nafas ancha siyraklashib qoladi. Ovoz yorigi 4-5 mm tashkil qiladi.
3- dekompensatsiya bosqichi xisoblanadi. 
Bemorni axvoli og‘irlashgan, 
nafas olishi tezlashgan va yuzaki, teri rangi kulrang-ko‘kimtir bo‘ladi 
(boshlanishida akrotsianoz keyinchalik esa sianoz paydo bo‘ladi). Ozgina bo‘lsa 
xam nafas olishni yengillatishga maqsadida bemor majburiy xolatni egalashga 
xarakat qilib,yarim o‘tirgan xolatda, bosh orqaga tashlangan bo‘ladi.Inspirator 
shovqinli nafas paydo bo‘ladi. Burun-lab soxasi,panjalari uchlari ko‘kimtir 
rangda.Yuzni yopishqoq, sovuq ter bosadi, ko‘zlar kattalashib o‘z joyidan 
bo‘rtib chiqqan, ularda qo‘rqinch alomatlari ko‘rinadi. Bu bosqichda nafas 
tezlashsada, lekin u yuzaki, bilinar-bilinmas darajada bo‘lib qoladi, chunki 
ko‘krak qafasi deyarli qimirlamaydi va faqat xiqildoq nafas olishda va 
chiqarishda tepa va pastga tez-tez xarakat qiladi. Tovush va yo‘tal eshitilmayda, 
tomir urishi past va tezlashadi, es-xush yo‘qolmaydi. Ovoz yorigi kengligi 2-3 
mm.
4- asfiksiya (bo‘g‘ilish) bosqichi: 
Bu bosqichda bemor o‘ta charchagan, 
atrofga befarq,tashqi ta’sirga javob yo‘q, nafasni to‘xtab-to‘xtab oladi, nafasni 
olishni bu ko‘rinishini Chyeyn-Stoks (chuqur nafas olib chiqargandan so‘ng 
ancha vaqtgacha tanaffus bo‘ladi, so‘ngra yana sekin-asta nafas paydo bo‘ladi) 
turi deb yuritiladi. Ovoz yorig‘i 1 mm. tashkil qiladi.Teri oq-kulrang, tomir 
urishi sanab bo‘lmaydigan darajada tezlashgan, ko‘z qorachig‘i kattalashgan, bir 
nuqtaga qadalgan xolda, avvaliga esi-xushi kirdi-chiqdi bo‘ladi, keyinchalik 
xushini batamom yo‘qotadi va bemorlarda ixtiyorsiz siyishi, axlat ketishi 
kuzatiladi va jarayon o‘lim bilan yakunlanadi.