Д. Раҳматуллаева, У. Ходжаева, Ф. Атаханова

этилган журнал саҳифасидан. Рассом Эрнесто Файахт. 
Б - “Шанель” модалар Уйининг джерси трикотажидан таклиф этилган 
моделлари. 1917 йил. 
 
Бу йўналиш ўзининг “ар-деко” (“декоратив, безатувчи санъат услуби”) 
номини 1925 йили Парижда бўлиб ўтган Ҳунармандчилик ва амалий санъат 
Бутунжаҳон кўргазмасидан сўнг олган. 
Бу даврда Ж.Ланвэн илк бор болалар ва эркаклар учун “от-кутюр” 
либосларини яратишни бошлади.

---

132 
ХХ асрнинг 20-йиллари “Поль Пуаре” Модалар Уйининг инқирозга юз 
тутган даври эди. 1929 йилда касодга учраган П.Пуаре ўзининг корхонасини 
ёпишга мажбур бўлди. 
Фақат иккита модельер принципиал ўзгача ғояни таклиф этди. Илк бор 
рассом-модельерлар олдида “модадан ташқари” либос яратиш вазифаси 
турар эди. Бундай ғояларни либос моделлаштиришдаги ўзига хос инқилоб 
деса бўлади. Шунинг учун бўлса керак, айнан аёл модельерлар бу ғояни 
илгари сурдилар. Булар Мадлен Вионне ва Коко Шанель эди. 
Назорат учун савол ва амалий топшириқлар 
1.
 
ХХ асрнинг 20-30 йиллари мода ривожида қандай давр эди?
2.
 
“А ля гарсон” образига таъриф беринг. 
3.
 
Бу даврда либоснинг шаклланишига нималар таъсир кўрсатган? 
4.
 
Бу даврдаги дансингоманиянинг либосга таъсири қандай бўлган? 
5.
 
20-йилларда эркаклар либоси қандай ўзгарган? 
6.
 
“Ар Деко” услуби ва 1920 йиллардаги “Юксак Мода” қандай 
ривожланган? 
 
ХХ аср 30-40-йилларида мода 
1930 йиллар модаси. 
1929 йилнинг октябрида Америкада рўй берган 
банк тизими инқирози туфайли бутун дунё иқтисодий инқирози бошланди. 
Шу сабабли бошланган “Буюк (Катта) депрессия” ХХ аср 30-йилларининг 
биринчи ярмига ўз таъсирини кўрсатди: пул қадрсизланди; ҳиссадорлик 
жамиятлари касодга учради; кўп корхоналар ёпилиши эвазига ишсизлик 
ўсди. 1932 йилга келиб АҚШ, Германия, Буюк Британияда миллионлаб 
ишсизлар бор эди. “Катта депрессия” иккинчи жаҳон урушининг ваҳимали 
саромасига замин яратди. 
“Олтин йигирманчи йиллар”нинг беғамлиги ўтмишда қолди – 
ўттизинчи йиллар модаси амалий, босиқ, вазмин ва демократик бўлишга 
мажбур эди. Ўзининг бойлигин кўз-кўз қилиш салкам беадаблик ҳисоблана 

---

133 
бошланди. “Джаз ўн йиллиги”нинг дабдабалилиги янгича – сайқалланган 
шакл ва чизиқларнинг “совуқ” ва “сокин” элегантлигига жой бўшатиб берди. 
“Ар-деко” услуби билан қизиқиш ҳам ўта бошлади. 
Элегант оддийлик, ўзига хос билинар-билинмас “шик”, аввало элитар 
мижозлар учун яратилар эди, албатта. Кўпчилик учун у ҳали ҳам эришиб 
бўлмайдиган эди. Кўпчилик Мода уйлари “Буюк депрессия” пайти учун 
барчани қониқтира оладиган услуб таклиф қила олмай, янги замонга 
мослаша олмади. Баъзилари инқироз
пайтида ёпилди: 1929 йилда “Поль 
Пуаре” ва “Джон Редферн”, 1930 йилда “Дрекколь”, 1931 йилда “Жак Дусе”, 
1935 йилда “Мадам Шерюи”, 1937 йилда “Опа-сингил Каллолар” Мода 
уйлари ёпилди. Ар-деко услубидаги бежамдор ва кашта билан ҳашамланган 
моделлар модадан чиққанлиги туфайли рус каштачилик ва мода уйларининг 
кўпчилиги ҳам фаолиятини тугатди. Бу пайтда кашта билан шуғулланувчи 
уйлардан М.Вионне, К.Шанель, Э.Скьяпарелли билан хамкорлик қилган 
“Лесаж” модалар уйи донг тарата борди.
Бир пайтнинг ўзида 30-йиллар либос дизайнининг ривожланишида ўта 
муҳим ва сермаҳсул давр бўлди - кийим моделлаштиришда янги ғоя ва 
концепциялар пайдо бўла бошлади. Инқирозга қарамай янги Мода уйлари 
очилди: 1930 йилда “Мейнбохер”, 1932 йилда “Нина Риччи”, 1933 йилда 
“Робер Пиге” ва “Аликс”, 1935 йилда “Эльза Скьяпарелли”, 1937 йилда “Жак 
Фат”, “Жан Дуссе”, “Кристобаль Баленсиага”. Баъзи кутюрьелар илк бор 
тайёр кийим коллекцияларини яратишга уриниб кўришди. Жумладан, Коко 
Шанель тайёр кийим ишлаб чиқарувчи фирма билан ҳамкорлик қилган; 1933 
йилда Ж.Хейн; 1934 йилда эса Л.Лелонг кабилар тайёр кўйлак термаларини 
чиқаришган. Бичими сайқалланиши ва мураккаблашуви эвазига тайер 
кийимнинг сифати орта бошлади. Бу нарса айниқса, оммавий модани 
шакллантирувчи Голливуд ва почта орқали каталоглар ёрдамида миллионлаб 
моделларни сотувчи фирмалар фаолияти туфайли, АҚШда сезиларли эди.
1930 йилда моданинг демократлашуви давом этди: оддийлик, қулайлик 
ва рационаллик – бу сифатларни оммавий мода энг кўп баҳолар эди.

---

134 
Аёллар либосига эркаклар костюмининг таъсири хамон сезилиб турарди. 
Марлен Дитрих ва Грета Гарбо киноюлдузлари расмий либосда 
таъқиқланган бўлишига қарамай, эркакларникига ўхшаш шимли костюмда 
юришга журъат этишарди. 
Аёллар шими спорт ва уй ичи кийими сифатида кенг тарқалиб 
оммавийлашган.
Либосдаги демократлашув ансамбль тушунчасига тегишли эди: у 
ҳақидаги аввалги тассаввур ҳаражат талаб бўлгани учун инқироз даври учун 
ноўрин эди. 30-йиллар модасидаги ансамбль уни ташкил этувчи костюм 
барча элементлари рангининг ўхшашлиги (муштараклиги) билан эмас, балки 
аксессуарлар: 
шляпа, 
сумкача, 
пойабзал, 
қўлқоплар 
ҳисобига 
мужассамланган. Иложи борича бу тўлдирувчиларнинг бир хил рангда 
бўлиши назарда тутилган. Бундай гарнитурни (одатда, қора ёки жигар 
рангда, ёзда эса – оқ) ихтиёрий кўйлак ёки костюм билан кийиш мумкин эди.
Моддий қийинчиликлар туфайли қимматбаҳо зийнатларни ҳеч ким 
сотиб олмагани учун, модада арзон бижутерия кенг тарқалди.
Эркаклар модасига аксинча, консервативлик – аср бошидагига ўхшаш 
фраклар қайтиб келди. Голливудда эса фраклар ўша давр киноактёрларидан 
энг элеганти ҳисобланган Фред Астор туфайли урф бўлди. Оммавий модада 
эркаклар учун белга ёпишиб турувчи кенг елкали пиджак ва қайтарма 
почали шимдан ташкил топган стандарт костюмлар кенг ёйилди. 
Юқорида қайд этилгандек, ХХ аср 30-йиллари модасига Голливуднинг 
таъсири улкан эди. 
 
1930 йилларда кинодан ташқари спорт ҳам ҳаммабоп 
кўнгилочар воситалардан бири эди. Кўп мамлакатларда гимнастикачилар 
иттифоқи ва спорт жамоалари барпо этила бошланди. Элитар спорт турлари 
– теннис, гольф, авто ва авиаспортнинг таъсири олий модада сезиларли эди. 
Спорт кийими ҳақиқий дам олиш кийимига айланди. Теннис ва елкан остида 
сузиш каби ёзги спорт турларининг ранги – оқ ранг 1930 йиллари биринчи 
ярмида энг кўп урф бўлган ранглардан эди. Спорт кийимининг ўзида ҳам 
ўзгаришлар рўй берди: у калталашди ва нисбатан қулайлашди. Ҳам аёллар, 

---

135 
ҳам эркакларнинг спорт билан шуғулланиш учун кийими сифатида 
шорти
10
лар кенг тарқалди.
Трикотаж ва ундан қилинган буюмлар: свитер, кардиган, джемпер, 
пуловерлар ўз актуаллигини йўқотмаган эди. Кундалик либосга ёзги оёқ 
кийимни спорт кийимидан олинган калта оқ пайпоқчалар билан кийиш усули 
кириб келди.
Илк бор ёз пайтида норасмий шароитда аёллар чулки (капрон пайпоқ) 
киймасликлари мумкин бўлди.
Янги урушга тайёргарлик кўрилиши шу даврдаги замонавий либосда 
ҳарбийлар кийими таъсирининг кучайишига олиб келди: жакетларда чарм 
белбоғлар пайдо бўлди, чарм пальто ва тренчкотлар, тўлдирувчилар 
сифатида хатто оқшом либосларида ҳам пилоткалар модага кириб кела 
бошлади. 
1930 йилларнинг биринчи ярмидаги кундалик либосларда, айниқса 
кўйлакларда, қиялама бичимнинг конструктив чизиқларини бўрттириб 
кўрсатувчи геометрик - катак-катак ва йўл-йўл расмлар оммабоп бўлган. 
1934 йилларда эса Э.Молине, Мейнбохер ва Нью-Йорклик модельер 
Валентиналар шарофати билан модага Узоқ Шарқ услуби – кимоно енглар, 
бамбукдан ясалган тугмачалар, конуссимон похол шляпачалар кириб келди. 
30-йиллар иккинчи ярмининг ёзги моделларида “альпийча” (“баварча” 
ёки “Тиролча” деган ном билан ҳам аталган) ва “лотин америкача” мавзудаги
фольклор услуби оммалашди. Ёзги модада бундай кўйлаклар 1950 йиллар 
охиригача сақланиб келган. 
“Баварча” мода ўрнига баъзи мамлакатларда “Лотин Америкача” 
услубдаги ёрқин рангли, кенг, қўшэтак юбкали кўйлаклар, кенг соябони 
гуллар билан безатилган похол шляпачалар таклиф этилган. 
30-йилларнинг иккинчи ярмидан бошлаб эса модада историзм
11
(неовикториан услуби ёки неоромантик услуб) устун кела бошлади.
10
шорти, шорт – ингл. (short – қисқа, калта) – аслида эркакларнинг трусиксимон калта 
шими, бу ерда тиззадан юқори даражагача қисқартирилган шим маъносида. Умуман 
олганда, энг калта шим – бу шорти.

---

136 
Тарихий либосларга ижодий манбаа сифатига мурожат этилишига 
Голивудда яратилган “Камелияли хоним” (“Дама с камелиями”) ва 
“Унесенные ветром” каби тарихий кинофильмлар ҳам сабабчи эди. Ўша 
даврда деярли барча модельерлар ижодида 1860-1880 йиллар тарихий 
либосидан олинган “ўзлаштирма”лар пайдо бўлди.
Историзм услубидаги либосларнинг кенг оммалашуви сабабларидан 
бири испан модельери Кристобаль Баленсиаганинг ижодий фаолияти билан 
боғлиқ.