Д. Раҳматуллаева, У. Ходжаева, Ф. Атаханова

Мато, ранг, безак. 
Испан либосида нақшли матолар (тўқилган, 
кашталанган, босилган) кенг тарқалган. Ҳайвон тасвири туширилган катта 
медальон-клейма тасвири матолар учун характерли. Нақшларда кўпинча 
олтин ва кумуш ранглар ишлатилган. Нақшли матолар парча ленталар, олтин 
тасмалар, тўқималар (кружева) билан безатилган.
XVI аср охирида либосларда тўқ ранглар, хусусан, кулранг, қизил, 
бинафшаранг, яшил, жигарранг урф бўлди. Қора ранг либосларда мотам 
рамзисиз қўлланилган.
Эркаклар либоси.
Кўйлак, колет, иштонлар, устки кийим испан 
эркаклар либосининг асосий қисмлари эди.
Ёпиқ колет остидаги кўйлак либосда асосий безак ролини ўйнамас эди. 
Бу вазифани брижжа ёқа, батист ёки полотнодан қилинган, тўрлар ила 
безакланган баланд манжетлар бажарарди.
Колет
–белгача ёки бўксагача бўлган, ёпишиб турадиган, олдидан 
тугмаланадиган, қирқма баскали, тик турувчи ёқали калта либос бўлиб, 
унинг енглари – тор ва узун (1-расм). Колетнинг елкаси ва енги ўртасида 
валикалари мавжуд. Колетлар қаттиқ астар билан қавилган (1-расм). XVI аср 

---

73 
охирларида «ғоз ичидан» ( гусиным чревом) деб номланган колетлар - 
пансеронлар пайдо бўлди. Пансерон – пастки, яъни қоринга тушган олд 
қисмига от ёллари билан маҳкамланиб тикилган (2-расм).
 
Иштонларга ҳам от ёллари тикилган ва шарсимон кўринишга эга 
бўлган. Улар аксар узунасига декоратив матолар билан безакланган. Улар 
тепа ва паст қисмига маҳкамланиб, бутун бўй бўйлаб осилиб турган. 
Устки кийим сифатида плашлар ва италян симараларига ўхшаш ропалар 
қўлланилган.
Ропа
– тугмалари тақилмайдиган, декоратив осилиб турган енгли либос. 
У бўйин остидан тақилган ёки тақилмаган ҳолда кийишган (3-расм).
1-расм
2-расм 3-расм