Д. Раҳматуллаева, У. Ходжаева, Ф. Атаханова

Аёллар либоси. 
Аср давомида аёллар либоси асосида бир неча бор 
формаси ўзгарган металл пластинкали суякли корсетлар ётади. Аср бошида 
– калта ярим қаттиқ корсетлар, аср ўрталарида ва айниқса охирида белни 
қаттиқ сиқиб турувчи ва кўкракни кўтариб турувчи бюсколи узун корсетлар 
урф бўлган. Корсет формаси тўлиқ ҳолда асрлар давомида ўзгариб турган. У 
модани акс эттирган. Кўйлакларнинг паст қисми қаттиқ каркас асосида 
бўлмаган, лекин пастки қисми крахмалланган ва бир неча устки юбкалар 
ҳисобига кенг, шаклан катта бўлиб қолаверган.
Ички кўйлак, яъни 
котт
лиф ёки корсаж ва юбкадан иборат. Олд лифи 
учбурчак шаклидаги ўйиқ устига ечиб қўйиш мумкин бўлган киритма, тўр 
билан безакланган кенг ва паст ёқадан иборат. Узун енглар юқори қисмининг 
кенглиги, шунингдек тўрлар билан безакланган узун манжети билан ажралиб 
турган. Устки кўйлак сифатида кенг олди очиқ 
роб 
хизмат қилган. У кенг, 
калта енгли ва бел қисми юқори бўлган. Ички ва устки кийимларнинг 

---

88 
ранглари контраст ечимда: бири ёрқин бири тўқроқ рангда ҳал этилган (5-
расм). 
5-расм 
Асрнинг иккинчи ярмида аёллар либоси шакли кескин ўзгарди. Енглар 
кенглигини йўқотиб, калталашди (тирсаккача). Паст қисми эса кенг тўрли 
пирпираклар билан безалди (6-расм Н.Ларжильер: «Элизабет Богарне 
портрети».).
6-расм 
Бу давр аёллар либосининг асосий ифодали чизиғи – унинг икки қаватли 
юбкадан иборатлигида кўзга ташланади. Котт лифига одатда иккита юбка 
тикилган: 
фрипон
(ички) ва 
модест
(устки). Модест учун оғир нақшларсиз 

---

89 
бархат, парча, атлас каби матолар танланган. Фрипон учун эса енгил ва юпқа 
матолар: тафта, муар, камлот танланган. Модест олд қисмида кесмали 
бўлган. Кесма четлари тўрлар, рюшлар ва мех билан безалган. Этак қисми 
эса бурмаланиб, шнурлар ва мунчоқлар ёрдамида лифга қотирилган. 
Фрипоннинг очилиб қолган қисми эса яъни олди ва паст қисми воланлар, бир 
неча қаторли оборкалар, тўрлар, бахрама, шокилалар билан безак берилган. 
Фақатгина дворян аёллари кийиши мумкин бўлган роб шлейф билан 
тикилган. Роб юбкаси ҳам белдан бурмаланиб, пастга томон олди очиқ 
бўлиб, котт юбкасини очиб турган. Юбкалардаги кўпгина тахлама 
(складка)лар ва бурмалар бўкса чизиғини бир мунча катталаштириб, аёллар 
фигурасининг паст қисмини кенгайтириб кўрсатган (8-расм).