Д. Раҳматуллаева, У. Ходжаева, Ф. Атаханова

Гўзалликнинг эстетик идеали. 
Бу давр эркаклар либосида катта 
ўзгариш содир бўлди. Бунга асосий сабаб ушбу даврга қадар алоҳида 
эътироф этиб келинган рицарликка хос қаҳрамонлик ўз ўрнини 
аристократликка бўшатиб берганида эди. Рицар эркаклар бу даврга келиб
аста-секин сарой аристократига айланди. Юқори табақа эркакларини 
мажбурий тарзда рақсга, мусиқага ўргатиш, унинг қиёфасига ҳаракатчанлик 
(пластиклик), бежиримликни беради. XVII аср эркаги нафақат гавдаси 
кўркам, баҳодирона, шу билан бирга, у хонимлар билан хушмуомалада бўла 
олиши керак.
XVII асрдан бошлаб Франция Европада модани тарғиб этувчи давлатга 
айланади ва бу давлатнинг идеал эркаги сифатида Людовик XIV — «қуёш 
қироли» — баланд бўйли, тўғри юз тузилишли, қалин ва узун оқ-малла сочли 
инсон қиёфаси олинади. Қирол моҳир раққос, чавандоз, камончи ва овчи эди.
Аёлларнинг идеал гўзаллиги - виқор, дабдабалилик, ёқимлилик 
(жеманство). Аёллар қоматида баланд бўй, “оққуш бўйин”, орқага ташланган 
елкалар, ингичка бел, кенг бўкса, тўлқинсимон узун соч эътироф этилган.
Матолар, ранг, безак. 
ХVII асрга келиб матолар саноатлашган ҳолда 
ишлаб чиқарила бошлади. Бу уларнинг тола таркиби, безак усули, фактураси 
ҳамда безакдорлигида қатор ўзгаришларга сабаб бўлди.
Франция ва Италияда шойи ва шерст матолар, Англия, Голландия, 
Германия ва Швецарияда босма матолар ишлаб чиқариш кенг тараққий этди. 
Рангларни қўллашда ёрқин, тоза ранглар билан бирга, бирмунча нозик ярим 
тонли ранглар – кул ранг, оқ, қора рангларга эътибор кучайди. Айнан мана 
шу ранглар ёрдамида либослардаги ранглар кескинлигига (контрастига) 
эришилди. ХVП асрга келиб, француз қироли Генрих IV қора рангни мотам 
рамзи сифатида эътироф этди.
Матолар безагида олтин ва кумуш толали безаш яъни шан-жан муҳим 
рол ўйнаган. Ренессанс даври либоси ғайриодатийлик, кесиклар ранг-

---

82 
баранглилиги билан характерланган бўлса, XVII асрга келиб, матонинг 
ўзидан чиқарилган бўртма безаклар билан характерлидир. Булар ленталар 
жамламаси, тесмалар, парпараклар, буфлар, галунлар, шнурлар, олтин ва 
кумуш иплар билан безаш кабилар. Шу сабабли бу даврда текис ва юпқа 
матолар: атлас, мовут, тафта, муҳайяр, газ, юпқа жун матолар урф бўлган.
Мато безаги яъни орнаменти барокко услуби таъсири остида бўлган. 
Ўша давр матоларининг асосий безаклари: ажойиб декоратив гуллар, йирик 
нақшли жингалаклар, айиқтовон барглари, анор ва узум мевалар, ромбсимон 
тўр розеткалар (