Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги

 
 

---

83 
“АССЕСМЕНТ” ТЕХНОЛОГИЯСИ ВА УНИ ТАЪЛИМ ЖАРАЁНИДА ҚЎЛЛАШ 
МЕТОДИКАСИ 
 
Г.М.Анорқулова (Низомий номдаги ТДПУ “Касб таълими методикаси” 
кафедраси мудири, п.ф.н. доцент) 
Г.Камалходжаева (Шайхонтоҳур тиббиёт коллежи, “Ҳамширалик иши” 
фани ўқитувчиси) 
 
Ўзбекистон мустақилликка эришгандан кейин таълим соҳасидаги туб бурилишлар 
амалга оширилди, “Кадрлар тайёрлаш миллий дастури” қабул қилинди. “Кадрлар тайёрлаш 
миллий дастури”нинг мақсади: таълим соҳасини тубдан ислоҳ қилиш, уни ўтмишдан 
қолган мафкуравий қарашлар ва сарқитлардан тўла халос этиш, ривожланган демократик 
давлатлар даражасида, юксак маънавий ва ахлоқий талабларга жавоб берувчи юқори 
малакали кадрлар тайёрлаш Миллий тизимини яратишдир. Мазкур дастурда белгилаб 
берилган мақсад ва вазифалар таълим жараёнини ташкил этишга замонавий ёндашувни 
талаб қилди. 
Бугунги кунда таьлим жараёнида интерактив методлар, инновацион таълим 
технологиялари, педагогик ва ахборот технологияларини ўқув жараёнида қўллашга бўлган 
қизиқиш, эътибор кундан-кунга кучайиб бормоқда, бундай бўлишининг сабабларидан бири 
шу вақтгача аньанавий таьлимда ўқувчи-талабаларни фақат тайёр билимларни эгаллашга 
ўргатилган бўлса, замонавий технологиялар уларни эгаллаётган билимларини ўзлари 
қидириб топишларига, мустақил ўрганиб тахлил қилишларига, хатто хулосаларни ҳам 
ўзлари келтириб чиқаришларига ўргатади. Ўқитувчи бу жараёнда шахсни ривожланиши, 
шаклланиши, билим олиши ва тарбияланишига шароит яратади ва шу билан бир каторда 
бошқарувчилик, йўналтирувчилик функциясини бажаради. Таълим жараёнида ўқувчи-
талаба асосий объектга айланди.
Бугунги кунда республика таълим муассасалариа таълим олувчилар фаолиятини 
назорат қилишда “Ассесмент” синови кенг қўлланилмоқда.