Microsoft Word Bolalar nevrologiyasi end doc

Atonik (kichik motor) tutqanoqlar
 
klinik ko‘rinishi postural tonusning 
to‘satdan pasayishi, boshning ushlay olmasligi, to‘satdan polga yiqilishi mumkin. 
Tutqanoqlar erta yoshdagi bolalarda (2-5 yoshgacha), odatda ular tez-tez (kuniga 
50-60 marta) paydo bo‘ladi.
Ba’zi epileptik bemorlarda kasallikning davomiyligi psixik buzilishlar va 
xarakterni o‘zgarishi bilan kechadi.
Ular o‘jar, shilqim bo‘lib qoladilar. Buni «epileptik xarakter» deb ataladi. 
Kasallikni og‘irligi shaytonlashni hisobiga emas, balki ruhiy buzilishlarga qarab 
aniqlanadi. Kasallik tezda epileptik aql zaiflikka olib kelishi mumkin. Shaxs 
degradatsiyasiga olib keluvchi ruhiy buzilishlar ko‘pincha absanslarda, murakkab 
portsional tutqanoqlarda kuzatiladi.
Epileptik status. 
Talvasa bilan kechadigan epileptik status generallashgan toniko-klonik 
(talvasa bilan) tutqanoqlarning asorati, talvasasiz kechadigan epileptik status 
absans yoki murakkb parsial tutqanoqlarning asorati bo‘lib hisoblanadi. Ko‘pincha 
toniko-klonik tutqanoqlarning statusi hayot uchun katta xavf tug‘diradi.
Diagnostika.
Epileptik tutqanoqlar paydo bo‘lganda bemorlarni nevrologik klinikalarda 
chuqur tekshirish zarur. U o‘z ichiga quyidagilarni oladi: yaxshi yig‘ilgan 
anamnez, nevrologik tekshiruv, boshqa mutaxassis shifokorlarning maslahati bilan 
(ayniqsa okulist va LOR), qonning klinik, immunologik, bioximik tahlili, likvorni 
tekshirish, kalla suyagini obzor rentgenogrammasi, elektroensefalografiya, 
exoensefalografiyalar kiradi. Bosh miyani KT yoki MRT, miya qon tomirlarida 
angiografiya imkoniyat bo‘lganda o‘tkaziladi.
Epilepsiyani tashhislashda EEG katta ahamiyatga ega bo‘lib, bosh miyani 
bioelektrik aktivligini qayd qilish bilan amalga oshiriladi. EEG da patologik 
o‘zgarishlar, o‘tkir to‘lqinlar, kompleks pik-to‘lqinlar, sekin to‘lqinli 
paroksizmalar ko‘rinishida kechadi. Epileptik aktivlik epilepsiya kasalligiga 
duchor bo‘lgan bemorlarda 30-40% da aniqlanadi. (sog‘ odamlarda 3% 
aniqlanadi). Keltirib chiqaruvchi omillarga katta ahamiyat beriladi: 
Giperventilyatsiya va fotostiliratsiyadan so‘ng EEG da epileptik aktivlik ko‘p 
holatlarda aniqlanadi. Ayrim bemorlarda keltirib chiqaruvchi omillar bo‘lib, 
maxsus ovozlar, musiqa, o‘qish, ovqatlanish, hisoblash va boshqalar bo‘lishi 
mumkin.

---

 341