Microsoft Word Bolalar nevrologiyasi end doc

 
Vertebrogen sindromlar 
1. Reflektor sindromlar
:
Bo‘yin qismida: servikalgiya, servikokranialgiya, servikobraxialgiya 
Ko‘krak qismida: torakalgiya 
Bel qismida: lyumbago, lyumbalgiya, lyumboishialgiya (mushak-tonik, 
vegetativ-tomir yoki neyrodistrofik ko‘rinishlari). 
2.
Ildizchali sindromlar
(radikulopatiyalar) – ildizchalarni diskogen 
shikastlanishi (vertebrogen). 
3.
Ildizchali-spinal sindromlar
(radikuloishemiyalar, radikulomiyeloishe-
miyalar). 
Klinik ko‘rinishlari. Bel reflektor sindromlari. Lyumbago
 
(bel sohasida 
sanchuvchi og‘riq) umurtqa pog‘onasining bel qismida to‘satdan o‘tkir og‘riq 
paydo bo‘lib, bu og‘riq jismoniy zo‘riqqanda (og‘ir narsa ko‘targanda, keskin 
harakat qilganda, egilganda, qayrilganda, aksa urganda) paydo bo‘ladi. Bunda bel 
sohasida yaqqol mushaklar tarangligi rivojlanib, bu umurtqaning bel-dumg‘aza 
qismida og‘riqga va harakatlarni chegaralanishiga olib keladi. Bel qismi ko‘pchilik 
hollarda fiksatsiyalangan bo‘lib, shu sababli turlicha antalgik holatlar kelib 
chiqadi. Fiziologik lordoz silliqlashgan, o‘siqlararo oraliq va paravertebral 
nuqtalarni paypaslanganda og‘riq bel sohasi mushaklarini kuchsiz taranglashuvi 
aniqlaniladi. Tortilish belgilari ijobiy bo‘ladi.
Lyumbalgiya 
(bel sohasidagi og‘riqlar). Klinikasi lyumbagoni eslatadi, 
lekin o‘tkir osti yoki surunkali kechishi bilan xarakterlanadi. Bu jismoniy 

---

 298
zo‘riqqandan keyin, noqulay holatda uzoq o‘tirganda, muzlab qolgandan, 
shamollagandan keyin asta-sekin paydo bo‘ladi. Og‘riq ko‘pincha to‘mtoq, harakat 
qilganda kuchanganda, uzoq vaqt o‘tirganda yoki yurganda kuchayadi.
Lyumboishalgiya 
(bel og‘rig‘i o‘tirg‘ich nervi bo‘ylab tarqaladi). 
Lyumboishialgiyaning 3 xil shakli mavjud: 
1. Mushak tonik ko‘rinishida – mushaklar taranglashuvi, umurtqa 
konfiguratsiyasini o‘zgarishi va bel sohasidagi harakatni keskin chegaralanishi 
bilan kechadi. 
2. Vegetativ-tomirli ko‘rinishida – oyoqda ayniqsa tovonda uvishish, 
muzlash yoki issiqni sezishi bilan kechadi. 
3. Neyrodistrofik ko‘rinishi – tovon terisini ingichkalashishi, giperkeratoz, 
chanoq-son va tizza bo‘g‘imini periartrozi, neyroosteofibrozi bilan kechadi. 
Diskogen lyumboishialgiyasida mushak-tonik shaklini vegetativ-tomirli yoki 
neyrodistrofik shakllar bilan birga uchrashi, kam hollarda boshqa shakllari 
uchrashi mumkin. Lekin lyumbolishialgiyada nerv faoliyatini tushib qolish 
belgilari kuzatilmaydi.