Я. Маматова, С. Сулайманова

 
Тасвирли реклама стратегиялари 
Конфигурация: 
– қараш йўналишини белгилайди; 

---

64 
– матн ва рангнинг жойлашуви томошабиннинг фикри йўналишини 
белгилайди; 
– бўш жой қолдирилиши аксарият ҳолларда бутун жойни тўлдириб қўйишдан 
кўра самаралироқ; 
– янги, релевант (ахборот талабларига мос келадиган, ўринли, аҳамиятли) 
ахборот вертикал ўқнинг ўнг томонига жойлаштирилади. Эски, қўшимча ахборот 
эса одатда чап томондан жой олади; 
– тимсол – маҳсулот харид қилиш билан амалга ошадиган орзу – одатда 
горизонтал ўқ устига жойлаштирилади. Маҳсулотнинг қўшимча маълумотлари 
илова қилинган тасвири эса пастдан жой олади. 
Кўриш бурчаги ва ўлчам: 
– кўриш бурчаги ва тасвир ўлчамини танлаш орқали реклама муаллифи одатда 
релевант ахборотга урғу беради; 
– олд томондан суратга олинган объектлар томошабин билан боғланишда 
бўлади; 
– қуш парвози баландлигидан кўриниш томошабинга объектни назорат қилиб 
туриш ҳиссини беради. Бундай усулдан фойдаланиш фикран ёки жисмоний 
жиҳатдан объектнинг кичик ҳажмда бўлишини назарда тутади; 
– пастдан суратга олинган объектлар томошабин устидан ҳукмронлик 
қилаётгандек тасаввур уйғотади. Бундай ёндашув объектнинг кучи ва қудратини 
ёхуд унда мавжуд таҳдидни акс эттиради; 
– жуда катта пландаги тасвирнинг самараси юқори бўлади, чунки у 
томошабинга деталларга эътибор қаратиш имкониятини беради. Инсон юзининг 
йирик планда акс эттирилиши ҳиссиётларга урғу беради. 
Ранг: 
– рангларнинг қўлланилиши ҳам реципиентда маълум бир тасаввурларни 
ҳосил қилади; 
– ранг тасвирнинг маълум бир йўналиш ва қисмларини ажратиб кўрсатади; 
– рангларнинг камроқ сонидан фойдаланиш кўп рангларни ишлатишдан қўра 
самаралироқ, чунки бунда хабарни қабул қилиш осон кечади; 
– қизил ранг аксарият ҳолларда илиқлик, олов, ҳиссиёт ва тажовузкорлик, 
мовий ранг эса совуқлик, самимийлик ва ғамгинлик тасаввурларини уйғотади.