Я. Маматова, С. Сулайманова

Натижаларни 5дан 1гача бўлган шкалада баҳолаш (5- энг юқори баҳо) 
бўйича тавсиялар: 
5: 
талабалар медиакомпаниялар фаолиятини қизиқарли ва “жонли” тарзда 
таҳлил қилди. Улар хусусий мулк йириклашуви оқибатларининг ОАВга таъсирини 
турли нуқтаи назардан ўрганди. Муҳокама жараёнидаги бундай иштирок асосий 
саволларга жавоб топишга ёрдам берди.
4: 
талабалар мавзудан четлашмаган ҳолда фаол баҳслашди. Улар хусусий мулк 
йириклашуви оқибатларининг ОАВга таъсирини турли нуқтаи назардан ўрганди. 
Муҳокама жараёнидаги бундай иштирок асосий саволларга жавоб топишга ёрдам 
берди.
3: 
талабалар медиакомпания фаолиятига доир таҳлилни суст амалга оширди. 
Усуллар ва мавжуд муаммолар юзаки таҳлил қилинди. Талабалар гуруҳ ишида 
фақат мажбурликдан қатнашди
. 
2: 
талабалар қийинчилик билан баҳсни олиб борди, таклиф этилган масалалар 
муҳокамаси суст ўтди. Улар хусусий мулк йириклашуви оқибатларининг ОАВга 
таъсирини юзаки ўрганди.
1: 
талабалар
 
таклиф этилган масалаларнинг муҳокамасида қатнашмади. Улар 
хусусий мулк йириклашуви оқибатларининг ОАВга таъсирини аниқлай олмади.

---

57 
Дунёнинг турли мамлакатларидаги янгиликлар
Машғулот мақсади:
турли дунёқарашларга маҳаллий медианинг таъсири ва 
маданий турфалик ҳақида талабаларда тасаввур уйғотиш. 
Давомийлиги:
20 дақиқа атрофида. 
Мавзу бўйича материаллар:
Интернетга уланган компьютерлар. 
«Демократия ва медиа воситасида жамият ҳаётида иштирок этиш» матнини 
ўқинг. Аудиторияни жуфтликларга бўлинг. Талабалардан иккита мамлакат газета 
сарлавҳаларини ўрганишни сўранг (Уларни http://www.newspaperindex.com ёки 
www.onlinenewpapers.com сайтларида топиш мумкин). Талабалардан қуйидаги 
саволларга қисқа жавоб тайёрлашни ва сизга электрон почта орқали жўнатишни 
вазифа қилиб беринг:
– Медиалардаги танлаган мавзуларнинг ўхшаш ва фарқли жиҳатлари нимада? 
Буни қандай тушунтириш мумкин?
– Танланган янгилик ўқувчилар дунёқарашига қандай таъсир кўрсатади?
– Сарлавҳаларда фикр хилма-хиллиги қандай намоён бўлади?