Давлат мактабгача таълим ташкилотлари педагог ходимларининг иш ҳужжатларини юритилиши бўйича

Ота-оналар билан тузилган шартномалар - болани МТТга қабул қилинган ва
шартнома имзоланган кундан бошлаб, ўз кучига эга ҳисобланади. Бола МТТдан
чиқарилгандан сўнг, ушбу шартнома бекор қилиниб, ўз кучини йўқотган ҳисобланади.
Шартнома бола МТТдан кетгунга қадар тузилади ва ташкилот раҳбарининг имзоси,
муҳри ҳамда ота-она (ёки ота-она ўрнини босувчи шахс) нинг имзоси билан тасдиқланади.
Ташкилотга йилнинг сентябр ойидан қабул қилинган болалар рўйхати 1 рақамидан
бошланади. Шартномага ўзгартиришлар қўшимча келишув шаклида киритилади ва
ўрнатилган тартибда расмийлаштирилади. 
02-03. Давлат хизматлари томонидан берилган йўлланмалар ёки ТППК хулосалар
ҳамда ота-оналар ўртасида тузилган шартномаларни қайд этиш китоби юритилади. 
Мактабгача таълим ташкилотига болалар туман давлат хизматлари томонидан
берилган йўлланма ёки ТППК хулоса асосида ўрнатилган тартибда (15 кун муддат ичида)
ташкилотга келган кундан бошлаб, қабул қилинади ҳамда уларнинг ота-оналари ўртасида
икки томонлама шартнома тузилиб, шартномаларни рўйхатга олиш китобига
расмийлаштирилади.
Йўлланма ёки ТППК хулосалар ва шартномаларни қайд этиш китоби тикилган,
саҳифаланган, мактабгача таълим ташкилоти раҳбари томонидан имзоланган ва муҳрланган
бўлиши лозим. 
Китобда, йўлланмалар ёки ТППК хулосалар ва шартномалар ўқув йили бошида
(2 сентябрь) 1 рақами билан рўйҳатга олинади. 31 августда МТТдаги мавжуд йўлланмалар
ёки ТППК хулосалар ва қабул бўйича таҳлилий ҳисобот ёзилади. Унда ташкилотда ўқув
йили якунига келиб, мавжуд йўлланмалар ёки ТППК хулосалар сони (МТТдаги рўйхат
бўйича жами болалар сонига тенг бўлиши лозим), ўтган йили 2 сентябрдан жорий йилнинг
31 августига қадар бўлган давр давомида қанча йўлланма ёки ТППК хулосалар қабул
қилинган, неча нафар бола ташкилотдан кетган, улардан неча нафари мактаб таълимига
юборилганлиги, ИМТТ ва ҚТМТТлар учун қўшимча неча нафари соғломлаштирилганлиги
таҳлил қилинади. Ушбу таҳлил ташкилот раҳбарининг имзоси ва муҳри билан тасдиқланади.

---