Қайта тайёрлаш ва уларнинг малакасини ошириш

4. Мактабдан ташқари таълим муассаса тўгарак раҳбарларининг 
мустақил ўқиши ва ўз устида ишлаш технологияси. 
Муаллимлик ишининг энг асосий хусусиятларидан бири шундаки, 
педагог билим, кўникма ва малакаларини узлуксиз тўлдириб бориши керак. 
Яъни ўз фаолияти учун зарур бўлган янги маълумотларни мунтазам излаши ва 
уни эгаллаши зарур. Бу эса ҳар бир педагогнинг ўз фаолиятига шахсий 
талабчанлигидан келиб чиқади. Ташқи фактор, яъни ўқув-методик ва илмий-
оммабоп адабиѐтнинг, айниқса ўзбек тилидаги адабиѐтларнинг етишмаслиги бу 
жараѐннинг сустлашишига таъсир қилмай қўймайди.

---

123 
 
Мустақил ўқиш педагогнинг ҳақиқий эҳтиѐжига айланиши учун, 
бизнингча, қуйидаги муаммолар ҳал этилиши керак: 
-педагог ўзининг касбига номувофиқлигини ўзи англаб етиши ва унга 
муносиб бўлишга интилиши зарур; 
-керакли ўқув-методик материал, малака ошириш воситалари билан 
таъминлаш. Бу ўринда педагогни зарурий адабиѐтлар билан таъминлаш, 
замонавий ахборот технологияларидан фойдаланиш имконини яратиш, 
медиатаълим технологиясини малака ошириш жараѐнига тадбиқ этиш назарда 
тутилади; 
-иқтисодий омил. Бу муаммо педагог ишининг сифати ва унинг 
меҳнатига тўланадиган иш ҳақи билан боғлиқ. 
Ҳар бир педагог – ижодкор ҳамдир. Ўқиб ўрганишдан, ижод қилишдан, 
ўз устида ишлашдан тўхтаган педагог ходим ―устоз‖ деган шарафли номга 
лойиқ бўлмай қолади. Шу боис ҳам, ―Баркамол авлод‖ болалар марказларида 
фаолият кўрсатаѐтган тўгарак раҳбарларининг ўз устида ишлашларини ташкил 
этиш услубчиларнинг вазифаларидан биридир. Устознинг билим доираси кенг, 
замонавий фан-техника янгиликларидан хабардор бўлсагина, ўқувчи-ѐшларга 
мукаммал билим бера олади. Мамлакатимизда ва хорижда рўй бераѐтган 
сиѐсий воқеалар; маданият, илм-фан, таълим-тарбия ва бошқа соҳалардаги 
янгиликлар, амалга оширилаѐтган ислоҳотлардан хабардор бўлиш – ҳар бир 
педагог ходимга қўйиладиган талаблардир. 
Ходимларнинг ўз устида ишлашларини ташкил этиш учун услубчилар 
томонидан қуйидаги ишлар амалга оширилиши керак: 
1)
Юртимизда қабул қилинаѐтган қонунлар, фармон ва фармойишларни 
ўрганишда тўгарак раҳбарларига кўмаклашиш. 
2)
Президент асарларини ўрганиш мақсадида маънавият соатларини ташкил 
этиш. 
3)
Кутубхонани янги нашр этилган адабиѐтлар билан бойитиб бориш чора-
тадбирларини кўриш. 
4)
Обунадаги газета ва журналлар билан таъминлаш. 
5)
Тўгарак йўналишлари бўйича янги ишланган ўқув-методик қўлланмалар 
ва тавсияномалар билан таъминлаш. 
6)
Тўгарак раҳбарларининг педагогик маҳорати ва касб малакасини ошириш 
мақсадида ―тажриба алмашиш соатлари‖ни ташкил этиш. 
7)
Мунтазам равишда очиқ машғулотлар ва семинар-тренинглар ташкил 
этиш ва ҳоказо.