Бизнес ва мулокот конунлари аюпов Равшан Хамдамович

Бойликка эришишниг калити нимада? 
Билимларни ҳаётга тадбиқ қилиш - бойликка эришининг асосий ва 
универсал калити худди шудир. Барча замонларда ва мамлакатларда шундай 
бўлиб келган ва бундан кейин ҳам шундай бўлиб қолади. Ҳозирги пайтда 
ечими ким томонидандир топилмаган муаммолар қолмаган ҳисоб. Барча 
мавжуд ғояларни у ёки бу кўринишда ҳаётга тадбиқ этиш ва ундан яхшигина 
фойда олиш мумкин. Муваффақиятга эришишнинг турфа хил стратегиялари 
борки, уларни реал ҳаётга тадбиқ қилиш кутилмаган оламшумул 
муваффақиятларга олиб келади. Сиздан фақатгина ўша ғоялар, стратегиялар 
ва муаммоларни топиш, яхшилаб ўрганиш ва реал ҳаётга тадбиқ этиш талаб 
қилинади, холос. Бундай билим манбалари Сизнинг келишингизни ва уларни 

---

Аюпов Равшан Хамдамович 
82 
жамият ривожланиши учун ишлатишингизни интизорлик билан кутиб 
турибди. Лекин бундай амалий билимларни олиш вақт, меҳнатсеварлик 
ҳамда қунт талаб қилади ва у Сиз учун қизиқарли жараён бўлиши керак. 
Шунинг учун билим олишни Сизни қизиқтирган китоблар мавжуд бўлган 
кутубхонага ташриф билан бошласангиз яхши бўлади. Кейинчалик эса 
Интернет ресурсларидан ҳам бемалол фойдаланишингиз мумкин. Булардан 
фойдаланган холда Сизни қизиқтирадиган ва Сиз уддалай оладиган бирор 
бир нарса ёки ғоя топинг. Бу йўналиш бўйича барча мавжуд адабиётларни 
ўрганинг, амалий билимни ҳаётга тадбиқ қилиш йўллари ҳақида фикр 
юритинг, бошқалар Сиздан олдин бу соҳада нималар қилганлигига 
эътиборни қаратинг ва бутун куч-қувватингиз ҳамда ақл-заковатингизни бу 
ғояни ҳаётга тадбиқ этишга, уни одамларга ва жамиятга фойдали кўринишга 
келтиришга ҳамда бунинг натижасида мукофот олиш мумкинлигига 
қаратинг. Агар Сизда ажойиб ғоя бўлсаю, у билан ҳеч кимса қизиқмаётган 
бўлса нима қиласиз? Бунда аввало ғоянгизнинг ижобий ва салбий 
томонларини яна бир марта чуқур таҳлил қилиб кўринг. Балки бошқаларнинг 
у билан қизиқмаётганлигига сабаб, ғоянинг салбий томонлари кўплигидадир. 
Ёки бошқа одамлар Сизни асабий ва кераксиз нарсалар билан 
шуғулланаётган деб ҳисоблашар! Шунинг учун аввало бошқа инсонларни 
ғоянгизнинг кераклилиги, имкониятлари ва ижобий томонлари билан 
яхшилаб таништиришингиз керак бўлади. Бу йўналишда қанчалик кўп 
ишласангиз, Сиз бошқалар учун шунчалик қизиқарли бўлиб кўринасиз ва 
улар Сизга ёрдам қўлини узатадилар. Демак, хулоса сифатида шуни айтиш 
мумкин – Сиз бошқаларга нимани берсангиз, шуни оласиз ва худди шу 
муваффақият калитидир.