Бизнес ва мулокот конунлари аюпов Равшан Хамдамович

Қандай қилиб бойликка эришиш йўлидаги асосий тўсиқлардан - алдовдан, 
ёлғондан, фирибгарликдан, нотўғри маслаҳатлардан ва адашувлардан 
қутулиш мумкин? 
Бунинг учун ўзингиз танлаган соҳангиз ҳақида кўпроқ нарсани ўқинг 
ва ўрганинг, мулоҳаза қилинг ҳамда бошқа мутахассисларнинг бу соҳа 
ҳақидаги қимматли фикрларига аҳамият беринг. Ундан ташқари, ўзингизнинг 
кучли ва кучсиз томонларингизни, билим даражангизни ҳам яхшилаб 
ўрганинг. Қайси томонларингиз кучли ва қайси бири унчалик кучли 
эмаслигига алоҳида эътибор беринг.
Бойлик жамғариш қандай амалга оширилади? 
Бойлик жамғариш илми ҳам худди математика ёки физика каби аниқ 
фандир ва пул тўплаш ҳамда уни кўпайтиришнинг ҳам ўз қонуниятлари 
мавжуд. Сиз ҳам бадавлат бўлиш учун бу қонунларни яхшилаб ўрганиб 
олишингиз ва уларга оғишмай амал қилишингиз керак бўлади. Бу фан жуда 
оддий ва фойдали бўлиб, уни молиявий математика деб аташади ҳамда уни 
иқтисодиёт ўқув юртларида ўқитилади. Бой бўлиш учун бадавлат одамларниг 
тажрибасини қунт билан ўрганиб чиқиш лозим бўлади. Бундан Сиз бир қанча 
фойдали фикрлар ва маслаҳатларга эга бўласизки, кейинчалик улар Сизга 
жуда ҳам асқотади. Бундай маълумотларни ушбу китобчанинг охирида 
келтирилган адабиётлардан ёки турли хил маданий-маърифий интернет 
сайтларидан топишингиз мумкин.
Бойликка эришиш учун алоҳида иқтидор ёки маҳсус кўникмалар ҳам 
зарур эмас, чунки атрофингизда жуда кўплаб иқтидорли инсонлар 
ночорликда кун кечирмоқдалар. Бадавлат инсонлар эса жуда кўпчилик 
холларда ўртамиёна шахслар бўлиб, улар на ортиқча истеъдод ва на ортиқча 
ҳунарга эгалар. Лекин улар ҳаёт йўлини тўғри танлаганлар, тўғри қарорлар 

---

Аюпов Равшан Хамдамович 
81 
қабул қилганлар ҳамда ўз мақсадларига эришиш йўлида тўғри ҳаракат 
қилганлар. Демак, бойликка эришиш кўпчилик холларда ташқи муҳит, 
иқтидор, имконият каби шартларга эмас, балки маълум амаллар тизимига 
боғлиқ, деган фойдали амалий хулосага келишимиз табиий. Бойликка 
эришишнинг асосий шартларидан бири – инсонларнинг эхтиёжини тушуниш 
ва улар билан фаол тарзда ишлай олишдир. Кимнингдир нимагадир 
қандайдир таланти ва иқтидори мавжуд, худди шундан фойдаланиб бойлик 
орттириш керак.
Инсоннинг асосий хазинаси – вақтдир. Ҳаёт маълум бир тарзда 
ўтаверади ва биз бу хазинани аста-секин сарфлаверамиз. Кимдир бу бебаҳо 
вақтни бойлик, мансаб ва шон-шуҳратга алмашади, кимдир эса уни бўлмағур 
нарсаларга сарфлаб, ҳеч қандай наф кўрмайди. Вақтни фойдали равишда 
сарфлаш учун келажакда қиладиган ишларингизни режалаштиришингиз 
керак ва ўз олдингизга аниқ мақсадлар қўйишингиз лозим. Шунда ишингиз 
унумли бўлиб, кўзлаган мақсадларингизга эриша оласиз. Бунда мақсад – 
Сизнинг йўлчи юлдузингиз бўлади ва мақсадингизга эришганингизда, 
ўзингиз орзу ҳам қилмаган муваффақиятларга, мукофотларга, обру-эътибор, 
мансаб, соғлиқ ва яқинларингизнинг хурматига сазовор бўласиз.