Н. Қ. ЙЎлдошев, Г. Э. Захидов

5.7. Ташкилий ўзгаришларни бошқариш 
 
Режалаштирилаѐтган ташкилий ўзгаришлар менежер ва ходимларнинг 
бўлинмалар ва умуман ташкилотнинг ишини ўзлари учун муҳим 
йўналишлари бўйича яхшилаш онгли ҳаракатлардан биридир. 
Бундай ўзгаришларнинг мақсади қуйидагилардан иборат: 
-
ташкилот фаолиятининг самарадорлигини ошириш; 
-
меҳнат унумдорлигини кўпайтириш; 
-
ходимларнинг мотивация ни кучайтириш; 
-
янги маҳсулотларни ўзлаштириш; 
-
бозор улушини кўпайтириш ва бошқалар. 
Шуни таъкидлаш жоизки, кўпгина ўзгаришлар ўз ичига ташкилотни 
ташқи муҳитга ва ходимлар хулқининг ўзгаришига мослашиш қобилиятини 
яхшилай олиши керак. Ташкилотнинг мослашиш қобилиятини яхшилаш 
учун кўпгина янги технологиялар ва иш усулларини ишлаб чиқадилар ҳамда 
ташкилий тузилмани қайта қурадилар. 
Кўпинча бунинг учун вақтинча ѐки эгилувчан тузилмалардан 
фойдаланилади, улар ташкилотга янги ахборотларга тез жавоб қайтариш 
имкониятини берадилар, янги операцияларга ўтишни жадаллаштирадилар, 

---

197 
ходимларни қарорлар қабул қилишда кенг иштирок этишларига ѐрдам 
берадилар, бўлғуси етакчиларни пайдо бўлиши учун шароит яратадилар. 
Буларнинг барчаси яна ходимларнинг шахсий хулқини ўзгариши, яъни 
уни янги шароитларга мослаштиришни талаб қилади. Шу муносабат билан 
ташкилий ўзгаришлар дастурида ходимлар роли, уларнинг жавобгарлигини 
ўзгартириш бўйича тадбирларни кўзда тутиш лозим. 
Бунда ташкилий ўзгаришларга қаршилик қилиш
муҳим муаммо 
саналади. Бундай ўзгаришлар қоидага кўра, ҳам алоҳида ходимлар ва ҳам 
умумий ташкилот томонидан қаршилик қилишга олиб келади. Ўзгаришларга 
бундай қаршилик қилишнинг манбалари ғоятда турличадир. 
Меҳнат унумдорлиги пасайиши, иш ва маҳсулотнинг сифати ҳамда 
меҳнат интизоми пасайиши, ходимларнинг қўнимсизлиги, мотивациянинг 
йўқолиши ва меҳнат низолари бундай қаршиликларга сабабчи бўлиши 
мумкин. Қаршилик қилишнинг энг кенг тарқалган тури ходимларда 
кузатилаѐтган ўзгаришларда мажбуриятларнинг йўқлигидир.