Klinik laboraтoriya тekshirish usullari

Balg‘am yig‘ish usuli. 1. Balg‘am binodan tashqarida, erta
saharda, bemor ovqatlanmasdan oldin yig‘iladi. Imkoni bo‘lsa,
namunani mikroblarga qarshi davolanish boshlanmasdan oldin olish
kerak.
2. Bemordan tik turib yoki to‘g‘ri o‘tirib og‘zini suv bilan
chayib tashlash iltimos qilinadi.
3. Bemordan og‘ziga dastro‘mol yoki boshqa gazlama tutib, bir
necha marta chuqur nafas olish va chuqur hamda kuchli nafas
bilan balg‘am tashlash uchun nafasni tutib turish iltimos qilinadi.
4. Bemordan balg‘am yig‘iladigan bankani pastki labiga tutib
turish va unga balg‘amni obdan tuflab tashlash iltimos qilinadi.
5. Yig‘ilgan balg‘am 2 – 5 ml dan kam bo‘lsa, kerakli miqdordagi
balg‘amni yig‘ib olish uchun ishni takrorlash kerak bo‘ladi.
6. Bemordan balg‘amning banka qopqog‘ini yopib qo‘yish iltimos
qilinadi.
7. Balg‘am ko‘zdan kechirib chiqiladi. Namuna suvsimon yoki
ovqat qoldiqlari aralash suvsimon yoki burun bo‘shlig‘idagi
shilimshiq aralashgan bo‘lsa, u tekshirishga yaramaydi. Balg‘amni
yig‘ish ishini takrorlash lozim.
8. Laboratoriya tahlili uchun beriladigan yo‘llanma to‘ldiriladi.

---

123
Balg‘amni makroskopik usulda tekshirish. A. Zaruriy jihozlar:
tiniq shisha banka; balg‘am namunasi.
B. Т e k s h i r i s h t e x n i k a s i :
1. Bankada bemor to‘g‘risida ko‘rsatib qo‘yilgan ma’lumot
tekshirish uchun berilgan yo‘llanmadagi ma’lumotga to‘g‘ri kelishiga
ishonch hosil qilinadi.
2. Oldin bir balg‘am namunasi, keyin boshqasi tekshiriladi.
3. Bankani ochmasdan balg‘amning tashqi ko‘rinishi, rangiga
qarab qo‘yiladi. Agar banka qora shishadan ishlangan bo‘lsa, uni
ochish va balg‘amni qarab chiqishda hamma ehtiyot choralari
ko‘riladi.
4. Balg‘amning tashqi ko‘rinishi va rangi to‘g‘risidagi ma’lumotni
tahlil uchun berilgan yo‘llanma blankaga yozib qo‘yiladi.
D. Normal ko‘rinishi. Sog‘lom odamlarda balg‘am ko‘p miqdorda
bo‘lmaydi.
5. Normadan farqlanish:
— yiringli, xira, oq yoki yashil, asosan, yiring hisobiga;
— shilimshiq, yiringli, xira, oq yashil yiring va shilimshiq
hisobiga;
— shilimshiq, asosan, shilimshiq hisobiga;
— biroz tufuk aralash shilimshiq;
— balg‘amda qon bo‘lishi mumkin.