Klinik laboraтoriya тekshirish usullari

5.5. Leykotsitlar morfologiyasi
A. 
Normal leykotsitlar.
1. Neytrofil (polimorf yadroli leykotsit, ya’ni yadrosi har xil
shaklda bo‘ladigan leykotsit):
— chetlari aniq bilinib turadigan yirik hujayra, 12–15 mikron;
— yadrosi ingichka bo‘yinchalar bilan tutashgan 2–5 bo‘lakdan
iborat, bu bo‘yinchalari yadro membranasidan hosil bo‘lgan;
— yadro xromatini to‘q binafsharangda bo‘lib, parchalar hosil
qiladi;
— sitoplazmasi mo‘l, sal pushti tusda bo‘lib, mayda pushti-
simon-binafsharang donalari bor.
2. Тayoqcha yadroli neytrofil leykotsit yetilmagan neytrofillardir.
Тayoqcha yadroli neytrofil leykotsit:
Leykotsitlar (katta yoshdagi odamlarda)
Ko‘rsatgichlar
Miqdori
Neytrofillar
Tayoqcha yadroli neytrofil leykotsitlar
Limfotsitlar
Monotsitlar
Eozinofillar
Bazofillar
50—65 %
0—1 %
25–40 %
4–10 %
1–3 %
0–1 %

---

117
— yadrosi taqa, gardish yoki aylana shaklida;
— yadrosi bo‘laklarga bo‘linmagan;
— yadrosining chetlari arrasimon shaklda;
— sitoplazmasi mo‘l.
3. Katta limfotsit:
— dumaloq yoki noto‘g‘ri shaklda, 10 – 15 mikron;
— yadrosi tuxumsimon yoki dumaloq, hujayraning bir
tomoniga surilgan bo‘lishi mumkin;
— sitoplazmasi mo‘l, och ko‘k rangda;
— ancha yirik bo‘ladigan to‘q qizil rangli, bir nechta donalari bor.
4. Kichik limfotsit:
— tashqi ko‘rinishi xarakterli bo‘lib, o‘zgarmaydigan, kichik-
roq, dumaloq hujayra, 7 – 10 mikron;
— yadrosi katta, odatda, butun hujayrani egallab turadi;
— yadro xromatini to‘q binafsharangda va zich;
— ko‘zga ko‘rinadigan sitoplazmasi juda kam, ko‘k rangda,
odatda donalari bo‘lmaydi.
5. Monotsit:
— noto‘g‘ri shaklda bo‘ladigan eng yirik leykotsitar hujayra,
15–25 mikron;
— yadrosi bo‘laklarga bo‘lingan (buyrakka yoki taqaga o‘xshab
ketadi), zichligi kam;
— sitoplazmasi tutunsimon tuzilishda, kulrang-zangori tusda;
— yirik vakuolalari ham, kichikroq vakuolalari ham ko‘zga
tashlanishi mumkin.
6. Eozinofil:
— kattagina dumaloq hujayra, 12 – 15 mikron;
— yadrosi, odatda, ikki bo‘lakdan tashkil topgan;
— sitoplazmasi granulalar bilan to‘la;
— hujayraning ko‘p qismini qoplab turadigan qizil-qovoqrang
bir talay granulalari bor.
7. Bazofil:
— dumaloq shaklli hujayra, 11 – 13 mikron;
— granulalari tufayli yadrosini ko‘rish qiyin;
— sitoplazmasi ko‘rinib turadi va unda granulalar bo‘ladi;
— qora-ko‘k tusli bir talay yirik granulalari bor.
B.