Klinik laboraтoriya тekshirish usullari

1.1.2. Тibbiy laborantning kasbiy kodeksi
Kasb kodeksi ishni qabul qilingan mezonlarga muvofiq holda
bajarish uchun ishga bo‘lgan munosabat tamoyillari va ish joyida
har bir laboratoriya mutaxassisidan talab etiladigan faoliyat
qoidalarini o‘z ichiga oladi. Kasb kodeksi laboratoriya xodimining
o‘z maqomini anglab, tushunib olishiga yordam beradi. (A. Kuper.
«O‘tish davridagi mamlakatlarning birlamchi tibbiy-sanitariya
muassasalari uchun».) Kasb kodeksi laboratoriya xodimlariga o‘z
majburiyat va vazifalarini esda tutishga yordam beradi. Bu kodeks
har bir xodimni yuksak mahorat bilan ishlashga va og‘ir moddiy-
texnik sharoitlarda faoliyat ko‘rsatib borishga to‘g‘ri keladigan hollarda
ham standartlarga rioya qilishga ilhomlantiradi.
Kasbiy kodeks asosida har bir laboratoriyada o‘ziga xos kasbiy
kodeks ishlab chiqish mumkin. Xodimlar zimmasiga yuklangan
mas’uliyatni ularga doimo eslatib turish uchun kodeks matnini
laboratoriyada ko‘zga ko‘rinarli joyga osib qo‘yish zarur:
— bemorga xizmat qilish maqsadini o‘z manfaatlaridan ustun
qo‘yish;
– ishda yuqori standartlarga amal qilib, o‘z mahorat va
bilimlarini oshirib borishga harakat qilish;
– shaxsiy foydani ko‘zlab kasbga aloqador bilimlardan
foydalanmaslik;
– nihoyatda halollik bilan ishlash;
– bemor xususida olingan har qanday axborotni sir saqlash;
– bemorga va uning qarindosh-urug‘lariga xushmuomala bo‘lish
va ularga e’tibor bilan qarash;

---

7
– boshqa tibbiy xodimlarga hurmat bilan qarash, ular bilan
hamkor bo‘lishga harakat qilish;
– ish joyida o‘ziga tegishli bo‘lmagan narsani hech qachon
olmaslik;
– o‘z xavfsizligi va boshqa jamoa a’zolari xavfsizligi uchun
javobgar bo‘lish;
– shaxsiy xavfsizlik texnikasiga amal qilish, xodimlar va
bemorlar uchun xavf-xatar tug‘dirmaslik.