Таълим вазирлиги бухоро давлат университети

 
С-8296 янги тезпишар, ҳосилдор ғўза нави
Ўзбекистон Қишлоқ хўжалиги 
Вазирлиги 
тасарруфидаги 
Пахта 
селекцияси, 
уруғчилиги 
ва 
етиштириш 
агротехнологиялари илмий тадқиқот институтида (ПСУЕАИТИ) 2002 йил [(Л-158 х С-
6530) х Л-158)] х Л-259 дурагай комбинациясидан кўп мартали якка танлаш йўли билан 
яратилди. Давлат Нав синови тармоқларига 2018 йилдан бошлаб топширилди. 
Муаллифлар:
Бабаев Я.А., Ким Р.Г., Оразбайева Г.Э. ва бошқалар.
Морфологияси ва хўжалик учун қимматли белгилари. С-8296 нави «С-6524» ғўза 
навидан 5-6 кунга эртапишардир. Ўсув даври 115-117 кун. Ўсимлик бўйи 110-120 см, 
тупи пирамида шаклида, ҳосил шохлари 1,5-2,0 нусхада. Биринчи ҳосил шохи 5 
бўғинда ўсиб чиқади, 1-2 та ўсув шохларига эга, буларда ҳам мева шоналари ҳосил 
бўлади. Пояси яшил, кузга бориб қўнғир тусга киради, ётиб қолишга чидамли. 
Барглари ўртача катталикда 3-5 япроқли, ранги 
яшил, кам тукланган. Ўсимликда барглар сони 
бошқа навларга нисбатан кам. Кўсаги ўртача 
катталикда (6,1-6,2 гр.), 4-5 чаноқли, думалоқ 
шаклида, пахта чаноқдан тўкилиб кетмайди. Тола 
чиқими 37,0-38, %, узунлиги 34,0-34,1 мм., 
пишиқлиги 4,5 г.к., микронейр кўрcаткичи 4.3-4.4. 
Чигити ўртача катталикда, кулранг, 1000 дона 
чигит оғирлиги 129-130 г., мой миқдори 21,1%.
 
С-8296 янги тезпишар, ҳосилдор ғўза навига 
2019 йилда патент олинган. Ҳозирги пайтда янги 
С-8296 тезпишар ғўза нави Наманган вилояти Уйчи 
тумани “Қизил-Равот” элита уруғчилик хўжалиги 
майдонларида экилиб ишлаб чиқариш синовидан 
муваффақиятли ўтмоқда. 2021 йилда Наманган 
вилояти бўйича 500 га майдонда экилган.
 
Юқоридаги навлар бошқа навларга нисбатан 
вилт касаллигига бардошли бўлиб ўзининг тезпишарлиги (кўсакларини очилиши суръати 
юқори) сабабли биринчи теримда 40,0 центнердан ортиқ ҳосил бериши билан кескин фарқ 
қилади.
Ғўзанинг ўрта толали тезпишар (ўсув даври 110-115 кун), юқори маҳсулдор, ҳосил 
тўплаш ва кўсакларини очилиши суръати ҳамда тола чиқими (37,0-38,0%) юқори, тола 
сифати IV-V типга мансуб С-8295 ва С-8296 навлари бўйича навдорлиги юқори ва 
сифатли уруғларини кўпайтириш ва ишлаб чиқаришда кенг майдонларда жорий этиш 
тавсия этилади.