Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to‘G‘risida

4-bob. Ochiq elektron tanlovda ishtirok etish tartibi
23. Talabgorlar ochiq elektron tanlovda ishtirok etish uchun:
savdo platformasi orqali ushbu Reglamentga
 3-ilovada 
keltirilgan shakldagi arizani ERI bilan
tasdiqlab yuboradi;
yer uchastkasi maydoni 30 gektargacha bo‘lganda — bazaviy hisoblash miqdorining besh
baravari, 30 gektardan 100 gektargacha bo‘lgan hollarda — bazaviy hisoblash miqdorining o‘n
baravari, 100 gektar yoki undan ko‘p bo‘lganda — bazaviy hisoblash miqdorining yigirma baravari
miqdoridagi zakalat pulini operatorning maxsus depozit hisobvarag‘iga kiritadi.
24. Ariza ushbu Reglament talablariga muvofiq taqdim etilgan taqdirda, operator zudlik bilan
talabgorga tanlovda ishtirok etish uchun ruxsat beradi, shuningdek, uyali aloqa telefoniga va
elektron pochta orqali talabgorning tanlov ishtirokchisi maqomini olganligi haqida qo‘shimcha
ravishda xabar beradi.
Talabgor xabar bilan o‘z vaqtida tanishmaganligi uchun operator javobgar hisoblanmaydi.
25. Ushbu Reglamentning 
23-bandida 
nazarda tutilgan zakalat puli talabgor tomonidan
operatorning maxsus depozit hisobvarag‘iga kiritilmaganda, talabgorlar tanlovda ishtirok etishiga
ruxsat berilmaydi.
Talabgor tomonidan savdo platformasiga kiritilgan ma’lumotlar shu jumladan, tanlov
takliflarining haqqoniyligi uchun talabgor javobgar hisoblanadi.
Ochiq elektron tanlovga talabgorlar belgilangan tartibda ro‘yxatdan o‘tmagani yoxud tanlov
savdolariga oid ma’lumotlar bilan tanishib chiqmaganligi uchun operator javobgar hisoblanmaydi.
5-bob. Ochiq elektron tanlovni o‘tkazish va ball berish tartibi
26. Tanlov natijalari bo‘yicha talabgorlarning ro‘yxati, tanlov takliflari va ularga berilgan ballar
tanlov o‘tkaziladigan kun soat 10:00 da (GMT+5) savdo platformasida avtomatik ravishda e’lon
qilinadi.
Bunda ochiq elektron tanlov dam olish va bayram kunlarida o‘tkazilmaydi.
27. Ochiq elektron tanlovda ishtirok etayotgan talabgorlarning imkoniyatlari ushbu
Reglamentga
 4-ilovada 
keltirilgan mezonlar bo‘yicha baholanadi.
Chorva ozuqa ekinlarini yetishtirish uchun yer uchastkalarini ijaraga berish bo‘yicha ochiq
elektron tanlov o‘tkazilganda talabgor ochiq elektron tanlovga qo‘yilgan yer maydoniga muvofiq
qonunchilik hujjatlarida belgilangan miqdordagi shartli bosh chorva mollariga ega bo‘lishi hamda
ushbu chorva mollari belgilangan tartibda identifikatsiya qilinib, Veterinariya va chorvachilikni
rivojlantirish davlat qo‘mitasining yagona elektron axborot tizimiga kiritilgan bo‘lishi talab etiladi
hamda bu baholash davrida asosiy ko‘rsatkich sifatida hisobga olinadi.
28. Ochiq elektron tanlov quyidagi hollarda o‘tkazilmagan deb e’tirof etiladi:
ochiq elektron tanlovda ishtirok etish uchun ariza kelib tushmagan bo‘lsa;
ochiq elektron tanlov g‘olibi tomonidan yer uchastkasini ijaraga olish shartnomasini imzolash
rad etilganda;
ochiq elektron tanlovda ishtirok etish uchun faqat bir nafar ishtirokchi ariza topshirgan bo‘lsa
(bundan 3 marotaba tanlov o‘tmagan deb e’tirof etilgan va mazkur lot qayta tanlovga qo‘yilganda
bitta talabgor ishtirok etish hollari mustasno).
29. Tegishli lot bo‘yicha tanlov o‘tkazilmagan deb e’tirof etilganda, o‘n kundan so‘ng takroriy
tanlov umumiy tartibda o‘tkaziladi.
30. Operator quyidagi majburiyatlarga ega:
ochiq elektron tanlovni belgilangan vaqtda tashkil etish;
ochiq elektron tanlovning inson omili aralashuvisiz o‘tishini ta’minlash;
dasturiy mahsulotlar, mavjud texnikalarini, server qurilmalari, kommunikatsiya uskunalari va
tanlovni o‘tkazishda foydalaniladigan barcha vositalarning texnik uzilishlarsiz ishlashini
ta’minlashga qaratilgan barcha zarur choralarning o‘z vaqtida, to‘liq va sifatli amalga oshirilishini
tashkil etish;

---

ochiq elektron tanlov qoidalari buzilishining oldini olish, bunday holatlarni tezkorlik bilan
aniqlash va bartaraf etish;
ochiq elektron tanlovda ishtirok etishda barcha ishtirokchilar uchun shart-sharoitlarning
tengligini ta’minlash;
ochiq elektron tanlovni o‘tkazishda oshkoralik va ommaviylik shartlarini ta’minlash;
ochiq elektron tanlov ishtirokchilari va barcha manfaatdor taraflar uchun tanlovga oid
ma’lumotlarni qulay va tezkor ravishda doimiy e’lon qilib borish.
Operator zimmasiga qonunchilik hujjatlariga muvofiq boshqa majburiyatlar ham yuklanishi
mumkin.