Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to‘G‘risida

yer tuzish loyihasi — yagona mavze bo‘yicha konturlar yaxlitligi saqlab qolingan holda, yer
uchastkasi chegaralari, hududning ixtisosligi, ishlab chiqarish yo‘nalishi, sug‘orish tarmoqlari,
kollektorlar, yo‘llar va boshqa topografik elementlari hisobga olingan muayyan yer uchastkasini
ijaraga berish uchun ishlab chiqilgan hujjatlar to‘plami;
ijrochi — O‘zbekiston Respublikasi Qishloq xo‘jaligi vazirligining “O‘zdaverloyiha” davlat ilmiy-
loyihalash instituti;
zakalat — ishtirokchi tomonidan tanlovda qatnashish uchun kafolat ta’minoti sifatida
kiritiladigan pul;
lot — tanlovga qo‘yilgan, tuman (shahar) hokimliklari nomiga davlat ro‘yxatidan o‘tkazilgan,
yuridik va jismoniy shaxslarga berilmagan qishloq xo‘jaligiga mo‘ljallangan yer uchastkasi;
operator — savdo platformasida tanlovni tashkil etish hamda o‘tkazish vakolati berilgan
“Elektron onlayn-auksionlarni tashkil etish markazi” davlat unitar korxonasi;
ochiq elektron tanlov — lotni ijaraga berishda talabgorlardan kelib tushgan takliflar orasidan
eng yaxshi taklifni avtomatik ravishda baholash yo‘li bilan g‘olibni aniqlash bo‘yicha o‘tkaziladigan
tanlov shakli;
talabgor — lotni qo‘lga kiritish bo‘yicha qiziqish bildirib, tanlovda ishtirok etish uchun
murojaat qilgan O‘zbekiston Respublikasi rezidenti bo‘lgan jismoniy va yuridik shaxslar;
tanlov g‘olibi — ochiq elektron tanlov natijalari bo‘yicha eng yuqori ballga ega bo‘lgan
talabgor;
tanlovning salohiyatli g‘olibi — tanlov g‘olibining taklifidan keyingi eng yaxshi taklifni
taqdim etgan talabgor;
texnik uzilish — tanlov jarayonida bir yoki bir nechta ishtirokchining qatnashishini yoki
mazkur Reglament talablari asosida operatorning xizmat ko‘rsatish imkoniyatini cheklaydigan
savdo platformasidagi texnik nosozliklar;
shaxsiy kabinet — ishtirokchiga tanlovlarga buyurtma berish, ularda qatnashish, shaxsiy
hisobni boshqarish, uning holati va boshqa statistik ma’lumotlarni ko‘rish hamda operator
tomonidan jo‘natilayotgan xabarlar bilan tanishib borish imkonini beruvchi savdo platformasining
maxsus bo‘limi;