O’zbekiston respublikasi oliy va o’rta maxsus ta’lim vazirligi guliston davlat universiteti «biologiyа» kafedrasi

Blastulyatsiya. Morula va blastula turlari va farqlari 
Darsning maqsadi:
Blastula va morula xakida ma‘lumotlar berish, blastulaning 
turlari xaqidagi tushunchalar xosil kilish va mavjud tushunchalarni mustaxkamlash. 
Identiv o’quv maqsadi: 
1.
Blastula va morulani bir- biridan farqlay oladi. 
2.
Blastula xillari va ularning xosil bo‘lishini aytib beradi. 
Kerakli jixozlar: mavzuga doir tablitsalar. 
Ishning borishi: 
Blastula xillari xaqida umumiy ma‘lumotlar berish. 
Blastomerlarning soni embrionning bir qavatiga yetarli bo‘lgandan keyin ular aylana 
bo‘lib joylashadi. Bu embrionnnig blastula davri deb ataladi. Hosil bo‘lgan qavat 
blastoderma devori deb ataladi. Bu devorga blastomerlar bir qator, ba‘zi hayvonlar 

---

70 
embrionida esa ko‘p qator bo‘lib joylashadi. Blastulaning o‘rtasi bo‘shliq, kovak bo‘ladi. Bu 
bo‘shliq blastosel bo‘shlig‘i deb ataladi. Blastuladan morulaning farqli tomoni shundaki, 
uning ichida bo‘shlig‘i bo‘lmaydi. Blastula yoki morulaning xosil bo‘lishi tsitoplazmaning 
miqdoriga bog‘liq bo‘ladi. 
Bo‘linish turlariga bog‘liq xolda xosil bo‘ladigan blastulalarning tuzilishi turlicha 
bo‘ladi. Blastulalar tseloblastula, amfiblastula, sterroblastula, diskoblastula va 
periblastulalarga bo‘linadi. 
Tseloblastula – katta blastotselli va bir tekisda yug‘onlashgan, bir qatlamli devori 
bo‘lgan tipik blastuladir. U to‘la tekis bo‘linishda, masalan, lantsetnikda xosil bo‘ladi.
Amfiblastula – tseloblastuladan devori bir necha qatorli bo‘lishi bilan farq qiladi. 
Uning blastotseli animal qutbga siljigan bo‘ladi. U to‘la , lekin tekis bo‘lmagan bo‘linish 
natijasida xosil bo‘ladi. Masalan, amfibiylarda. 
Sterroblastula. Devori bir qator blastomerlardan iborat bo‘ladi. 
Blastomerlar blastosel bo‘shlig‘iga juda ko‘p kirib borganligi uchun ham blastosel bo‘shlig‘i 
juda kichik bo‘ladi. Bo‘g‘imoyoqlilarda shunday blastula hosil bo‘ladi. 
Diskoblastula. Diskodial yo‘l bilan maydalanadigan tuxumli hayvonlarda uchraydi. 
Blastosel bo‘shlig‘i embrion diski bilan sariqlik moddasining o‘rtasida bo‘ladi. Bunday 
blastula suyakli baliqlar, repteliyalar va qushlarda uchraydi. 
 
Periblastula. Blastosel bo‘shlig‘i sariqlik moddasi bilan to‘zganligi uchun bo‘shliq 
bo‘lmaydi. Sariqlik moddasining tashqarisidan bir qator blastomerlar o‘rab turadi. 
Hasharotlarda shunday holat uchraydi. 

---

71 
Blastulaning yana o‘ziga xos turi plakula ham bor. Bunda blastula ikki qavatli 
plastinkadan iborat bo‘ladi. Bunday embrion shakli maydalanish davrida blastomerlar faqat 
parallel qatorda joylashganda hosil bo‘ladi, Plakula quruqlikda uchraydigan kam tukli halqali 
chuvalchanglarda uchraydi. 
Agar blastosel bo‘shlig‘i ham blastomerlar bilan to‘lgan bo‘lsa, buni embrionnnig 
morula davri deb ataladi. Embrionning morula davri tutning mevasini eslatadi. Shuning 
uchun morula lotincha monim - tut mevasi degan ma"noni bildiradi. 
Topshiriq: 
1. Sizga berilgan tarqatmalardan foydalanib blastula va morula o’rtasidagi o’xshashlik va 
farqlarni toping. 
2. Tarqatmalardan foydalanib blastulaning xosil bo’lish jarayonini o’rganib chiqing. 
3. Tarqatmalardan foydalanib blastula xillarini o’rganib chiqing va ular o’rtasidagi 
farqlarni ayting. 
Ishni yakunlash: 
O’rganib chiqilgan tasvirlarni albomga chizib oling.