268
5.5. Magnit usulida boyitishga ta’sir qiluvchi omillar
Magnit maydoni kuchlanganligi
. Maydon kuchlanganligining
oshishi magnit kuchining ortishiga olib keladi va buning natijasida, ancha
past magnit ta’sirchanlikka ega minerallarni magnitli fraksiyaga ajratib
olish imkonini beradi. Bu ajratish mahsulotlari chiqishiga va sifatiga ta’sir
ko‘rsatadi. Biroq, magnit maydoni kuchlanganligining o‘ta
oshib ketishi
magnitli fraksiyaning yuqori darajada ifloslanishiga olib kelishi mumkin.
Maydon kuchlanganligining yetarlicha bo‘lmasligi magnitli minerallarni
chiqindiga yo‘qotilishiga sabab bo‘ladi.
Agar boyitishning texnologik sxemasi magnitli separatsiyaning bir
nechta ketma-ket jarayonlarini o‘z ichiga olsa, nomagnitli fraksiyani qayta
tozalashda har bir keyingi jarayondagi magnit maydoni kuchlanganligi
oshishi lozim. Magnitli boyitmalarni maromiga yetkazish (qayta tozalash)
maydon kuchlanganligining asta-sekin kamayishida amalga oshiriladi.
Ishchi zona o‘lchamlari
(uzunligi va balandligi) hamda ta’minlanish
kengligi o‘tkazuvchanlik qobiliyatini, ya’ni,
separator unumdorligini
belgilaydi. Baraban (valka) diametrining oshishi bilan ishchi zona uzunligi
ortib boradi, bu esa magnitli minerallarning ajralishini va separator
unumdorligini oshirish imkonini beradi. Ta’minlanishda qabul qilish
teshigining kengligini (baraban, valka uzunligini) oshirish bilan ham
unumdorlikni oshishiga erishiladi.
Ishchi zona balandligi separatorni yaratish jarayonida aniqlanadi va
belgilangan chegaralarda ushbu turdagi mineral xom ashyoni boyitish
uchun separatorni texnologik sozlashda o‘zgarishi mumkin.
Ishchi zona
balandligining kamayishi magnit maydoni kuchlanganligi oshishiga olib
keladi va aksincha.
Separator barabanlari va valkalarining aylanish chastotasi ma’lum
darajada uning unumdorligini va boyitish mahsulotlari sifatini belgilaydi.
Bu boyitish usullariga (quruq yoki suvli muhitda), dastlabki mahsulotni
berish usuliga (yuqoridan yoki pastdan), solishtirma magnit ta’sirchanlikka
va ajratiladigan minerallarning yirikligiga, boyitish mahsulotlarining
zaruriy sifatiga (tayyor boyitmalarni yoki ag‘darmali chiqindilarni olish)
bog‘liq holda tanlanadi.
Boyitiladigan rudaning yirikligi va magnitli xossalari
. Ajratiladigan
minerallar
yirikligidagi
keskin
farqlanishda
magnit
maydoni
kuchlanganligini, ishchi zona o‘lchamlarini, tezkor
tartibni va separator
unumdorligini to‘g‘ri tanlash qiyinlashadi. Bularning barchasi boyitishning
texnologik ko‘rsatkichlarini yomonlashuviga olib keladi. Ajratiladigan
269
minerallar yirikligining yuqori va pastki chegaralariga ko‘proq
yaqinlashadigan materialning dastlabki tasniflash jarayonini qo‘llab
boyitishning eng yaxshi ko‘rsatkichlariga erishish mumkin.
Magnitli boyitishni qo‘llashning zaruriy sharti ajratiladigan
minerallar magnitli xossalarining yetarlicha farqlanishi hisoblanadi, ya’ni,
agar solishtirma magnitli ta’sirchanliklar mos ravishda χ 1 va χ 2 bo‘lsa, χ
1/ χ 2 nisbat birdan ortiq bo‘lishi lozim (amaliyotda 3-5 dan kam emas).
Bu nisbat magnitli boyitishning tanlanuvchanligi koeffitsiyenti deyiladi.
Magnitli separatorlarda kuchli magnitli minerallarni ajratib olish
uchun 120-150 kA/m gacha kuchlanganlikka eag nisbatan kuchsiz magnit
maydonidan foydalaniladi. Kuchsiz magnitli minerallarni ajratish uchun
800-1500 kA/m va undan ortiq magnit maydonining kuchlanganligidan
foydalaniladi. Nomagnit minerallar hatto
yuqori kuchlanganlikka ega
magnit maydonlarida ham ajratib olinmaydi.
Magnitli usullar qora metallar rudalarini boyitish uchun, noyob va
rangli metallar boyitmalarini maromiga yetkazishda, og‘ir muhitda
boyitishda kuchli magnitli og‘irlashtirgichlarni
tiklash uchun, fosforit
rudalaridan,
kvarsli
qumdan
va
boshqa
materiallardan
temir
qo‘shimchalarini chiqarib yuborish uchun keng qo‘llaniladi.
Separatorga keladigan mahsulotning qattiqlik miqdori
. Suvli
muhitda ishlaydigan magnitli saralashda bo‘tanada qattiqlik miqdorining
oshishi
bilan
separator
unumdorligi
oshadi,
biroq,
boyitish
mahsulotlarining sifati pasayadi. Bo‘tana
suyulishining ortishi, odatda,
magnitli fraksiyaning sifatini oshishini ta’minlaydi, lekin bir vaqtning
o‘zida magnitli minerallarning chiqindi bilan yo‘qotilishi ham oshib
boradi, chunki bo‘tananing separator ishchi zonasi orqali o‘tish tezligi
ortadi. Separatorga keladigan mahsulotda qattiqlikninig maqbul miqdori
30-40 % oralig‘ida bo‘ladi.
Do'stlaringiz bilan baham: 
