Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

ko‘p miqdor
tegishli davlat organining 
xulosasi asosida aniqlanadi. 
 
Giyohvandlik vositalari yoki psixotrop moddalarining ko‘p 
miqdoriga JK 271-moddasi tahlilida batafsil to‘xtalamiz.
 
Obyektiv tomondan
kontrabanda yuqorida nomlari keltirilgan 
predmetlarni bojxona nazoratini chetlab yoki bojxona nazoratidan yashirib 
yoxud bojxona hujjatlari vositalariga o‘xshatib yasalgan hujjatlardan 
aldash yo‘li bilan foydalanib, deklaratsiyasiz yoki boshqa nomga yozilgan 
deklaratsiyadan foydalanib O‘zbekiston Respublikasining bojxona 
chegarasidan o‘tkazishda ifodalanadi. 
Kontrabanda uchun jinoiy javobgarlik Jinoyat kodeksi 246-moddasi 
dispozitsiyasida ko‘rsatilgan ashyolar O‘zbekiston Respublikasining 
35 

---

bojxona chegarasidan qonunga xilof ravishda o‘tkazilgan taqdirda, bu 
ashyolar 
o‘zga MDH mamlakatlariga yoki MDHga kirmagan 
mamlakatlarga o‘tkazilganligidan qat’i nazar vujudga keladi. 
Kontrabanda predmetlarini bojxona nazoratini chetlab 
O‘zbekiston Respublikasining bojxona chegarasidan qonunga xilof 
ravishda o‘tkazish 
deganda, ularni bojxona organi bo‘lmagan joydan yoki 
bojxona rasmiylashtiruvi va nazorati amalga oshiriladigan vaqtdan tashqari 
vaqtda o‘tkazishni tushunmoq lozim. 
Respublika hududida erkin bojxona zonalari va erkin omborxonalar 
joylashgan bo‘lishi mumkin, ularning hududi agar qonunlarda boshqa 
holat nazarda tutilmagan bo‘lsa, O‘zbekiston Respublikasining bojxona 
hududidan tashqarida joylashgan, deb hisoblanadi.
Bojxona hududining sarhadlari, shuningdek, erkin bojxona zonalari 
va erkin omborxonalar chegaralari O‘zbekiston Respublikasining bojxona 
chegarasi hisoblanadi. 
Bojxona kodeksining 7-moddasiga muvofiq, bojxona chegarasidan 
olib o‘tish deganda, tovar yoki transport vositalarini har qanday usul bilan 
bojxona hududiga olib kirish yoxud olib chiqish, shu jumladan xalqaro 
pochta yo‘llanmalari orqali jo‘natish, quvur o‘tkazgich transporti yoki 
elektr uzatish liniyalaridan foydalanishga qaratilgan harakatlarning sodir 
etilishi tushuniladi.
Bu harakatlar jumlasiga: 
tovarlar yoki transport vositalari bojxona hududiga olib kirilganda, 
shu jumladan erkin bojxona zonalari va erkin omborlar hududidan olib 
kirilganda – bojxona chegarasidan amalda o‘tish; 
tovarlar yoki transport vositalari bojxona hududidan olib chiqilganda, 
shu jumladan, erkin bojxona zonalari va erkin omborlar hududidan olib 
chiqilganda – bojxona deklaratsiyasini taqdim etish yoki tovar yoxud 
transport vositalarini olib chiqish maqsadini amalga oshirishga bevosita 
qaratilgan o‘zga harakatni bajarish kiradi.