Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 245-moddasi 2-qismida
: 
a) voyaga yetmagan shaxsga nisbatan; 
b) ikki yoki undan ortiq shaxsga nisbatan; 
v) og’ir oqibatlar kelib chiqishiga sabab bo‘lgan shaxsni garov 
sifatida tutqunlikka olish uchun javobgarlik belgilangan. 
Qilmishni 
JK 245-moddasi 2-qismi «a» bandi
bilan kvalifikatsiya 
qilish uchun jabrlanuvchining jinoyat sodir etish vaqtida 18 yoshga 
to‘lmaganligi aniqlanishi zarur. 
Ikki yoki undan ortiq shaxsni
garov sifatida tutqunlikka olishda 
aybdorning ikki yoki undan ortiq shaxsni garov sifatida tutqunlikka olishi 
yagona qasd bilan qamrab olingan bo‘ladi va odatda, qisqa muddat ichida 
sodir etiladi. 
Garovga olinganlarning badaniga og’ir shikast yetkazilishi, ularning 
o‘z joniga qasd qilishi, garovga olingan ko‘pchilikka azob berilishi, 
ularning qiynoqqa solinishi garovga olish yoki tutqunlikda saqlashning 
og’ir oqibatlari 
hisoblanadi.
33 

---

Garovga olingan shaxs o‘ldirilsa, aybdorning qilmishi O‘zbekiston 
Respublikasi JK 
97-
va 
245-moddalari
bilan jinoyatlar jami tariqasida 
kvalifikatsiya qilinadi.
8-§. Kontrabanda (JK 246-moddasi) 
Mazkur jinoyatning
bevosita obyekti 
qonunda belgilangan tartibda 
fuqarolik muomalasidan chiqarilgan, O‘zbekiston Respublikasi bojxona 
chegaralaridan o‘tkazish taqiqlangan tovarlarni olib o‘tishni tartibga 
soluvchi, davlat, yuridik va jismoniy shaxslarning qonuniy huquq va 
manfaatlarni muhofaza qiluvchi ijtimoiy munosabatlar hisoblanadi.
Qattiq ta’sir qiluvchi, zaharli, zaharlovchi, radioaktiv, portlovchi 
moddalar, portlatish qurilmalari, qurol-yarog’, o‘qotar qurollar, o‘q-
dorilar, giyohvandlik vositalari, psixotrop moddalar, diniy ekstremizm, 
separatizm, aqidaparastlikni targ’ib qiluvchi materiallar, yadroviy, 
kimyoviy, biologik va ommaviy qirg’in qurollarining boshqa turlari, 
ommaviy qirg’in qurollarini yaratishda foydalanilishi mumkin bo‘lgan 
material va moslamalar kontrabanda jinoyatining 
predmeti
bo‘lishi 
mumkin. 
(Ushbu predmetlarning tushunchalari JK 247, 251, 252, 270, 271-
moddalarining tahlilida to‘liq beriladi.)