Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 242-moddasi 2-qismi
bilan 
kvalifikatsiya qilish uchun asos ham bo‘lmaydi. 
Qurol o‘qotar yoki sovuq qurol bo‘lishi mumkin. Guruh jangovar 
aslahalar, portlovchi moddalar bilan jihozlangan bo‘lsa ham uni 
qurollangan guruh, deb e’tirof etish zarur. Jinoiy guruhning qurollanganlik 
alomatini belgilash uchun guruh a’zolaridan birida hech bo‘lmaganda bir 
dona qurol mavjudligi, bundan guruhning boshqa a’zolari xabardor 
ekanligi aniqlanishi zarur. 
Uyushgan qurolli guruh
tuzish 
deganda, uyushgan qurolli guruhni 
tuzish, unga rahbarlik qilishga qaratilgan har qanday harakat (bosqinchi 
guruh a’zolarini tanlash, ular o‘rtasida rollarni taqsimlash, jinoiy faoliyat 
rejalarini tuzish, jinoiy guruhni qurollantirish va h.k.lar)ni tushunish zarur. 
Uyushgan qurolli guruhga
rahbarlik qilish 
deganda, mavjud uyushgan 
qurolli guruh faoliyatiga boshchilik qilishga qaratilgan har qanday 
harakatni tushunish zarur. 
Uyushgan qurolli guruhda ishtirok etish 
nafaqat qurolli guruh 
tomonidan sodir etiladigan hujumlarda ishtirok etish, balki uyushgan 
qurolli guruh tarkibida boshqa vazifalarni, shu jumladan moliyalashtirish, 
qurol bilan ta’minlash, hujum qilish uchun obyektlarni tanlash, transport 
bilan ta’minlash, huquqni muhofaza qiluvchi va boshqa organlarning 
xodimlari bilan aloqalarni o‘rnatish kabi harakatlarda o‘z ifodasini topadi. 
Uyushgan qurolli guruh tomonidan sodir etiladigan 
hujumlarda 
ishtirok etish
deganda, uyushgan guruhning «doimiy» a’zosi bo‘lmagan 
15 

---

shaxsning guruh tomonidan sodir etilayotgan jinoyatda ishtirok etishi 
(ushbu ishtirokni anglagan holda) tushuniladi. 
Uyushgan qurolli guruh tuzish yoki unga rahbarlik qilish, guruh 
tomonidan jinoyat sodir etilgani yoki sodir etilmaganidan qat’i nazar, 
uyushgan qurolli guruh tuzilgan yoxud uyushgan qurolli guruhga kirishga 
rozilik bildirilgan paytdan e’tiboran 
tugallangan
jinoyat deb e’tirof etiladi. 
Uyushgan qurolli guruh tarkibiga kirmagan va ushbu guruh 
tomonidan sodir etilgan hujumlarda ishtirok etmagan, biroq unga yoki 
uning ayrim a’zolariga jinoiy faoliyatini amalga oshirishda bir martalik 
yordam ko‘rsatgan shaxslarning harakatlari tegishli jinoyatlarda ishti-
rokchilik sifatida kvalifikatsiya qilinishi lozim. Uyushgan qurolli guruhga 
yordam ko‘rsatish qurolni sotishda, transport bilan ta’minlashda, hujum 
qilish obyektini ko‘rsatishda o‘z ifodasini topishi mumkin. Mazkur 
harakatlar bir martalik tusga ega bo‘lishlari lozim, chunki ular muttasil 
ravishda sodir etilayotgan bo‘lsa, shaxs jinoiy uyushma a’zosiga aylanadi. 
Uyushgan guruh tarkibida qurolli hujum qilishga dalolat qilish 
uyushgan guruh a’zolarini muayyan muassasa yoki muayyan shaxslarga 
hujum qilishga qiziqtirishda o‘z ifodasini topadi.