“transport tizimlari va inshoatlari” kafedrasi “Qurilish materiallari va buyumlari”

5. Yog‘ochni chirishdan va yonishdan saqlash. 
Yog‘och qurilmalar va buyumlarning chidamliligini oshirishga yog‘ochni 
yemirilishdan saqlash borasidagi ishonchli usullardan foydalanish yo‘li bilan erishiladi. 
Bunday usullarga yog‘ochni quritish, uni antiseptiklash (kimyoviy moddalar bilan 
zararsizlantirish), sirtiga olovdan himoyalaydigan chidamli tarkiblar berish, foydalanish 
jarayonida qurilmalar namlanishining oldini olish bo‘yicha konstruktiv chora-tadbirlar 
qurish, shuningdek, yelimlangan yog‘och qurilmalarni ishlatishdan iborat.
Yog‘ochni quritish:
Odatda yog‘och 18-20 % namlikdan yuqori bo‘lsa xar xil 
zamburug‘ tushib chiritadi. Arralangan binokorlik materiallarini quritish asosiy chora-
tadbirlardan biri xisoblanadi. Shunday qilinsa yog‘och qurilmalar va buyumlarning xizmat 
qilish muddati ancha uzayadi va sifati ortadi. yog‘ochni tabiiy va sun’iy usulda quritish 
mumkin.
Tabiiy usulda quritish
ochiq xavoda, bostirmalar ostida yoki yopiq xonalarda 
quruq xavoda amalga oshiriladi. Bunday quritish uchun ko‘p vaqt (xafta va xatto oylar) 

---

talab qiladi, bu usul yog‘ochni sinchiklab va uzoq vaqt saqlash bo‘lganda yoki ish xajmi 
uncha katta bo‘lmaganda qo‘llaniladi.
Yog‘ochlar sun’iy usulda
yog‘och - taxta quritish kameralarida qizdirilgan xavo, 
gaz, bug‘ yoki yuqori chastotali tok yordamida, shuningdek qizdirilgan petrolatumga 
botirib quritiladi. 
Yog‘ochni kamerali quritgichlarda sun’iy ravishda quritish
eng ko‘p 
tarqalgan usul bo‘lib, quritish kameralari eshiklari germetik yopiladigan, xavoning xarorati 
va nisbiy namligini rostlashga xamda yog‘ochdan bug‘lanib chiqqan namni chiqarib 
yuborishga imkon beruvchi asbob-uskunalar bilan jixozlangan. U uzluksiz va to‘xtab-
to‘xtab ishlaydigan qurilmalardir.
Tabiiy quritishga nisbatan sun’iy quritish bir qator afzalliklarga ega. Bunda 
quritish muddatlari ancha qisqaradi, oxirgi namligi kam bo‘ladi (6-8%) va quritilgan 
yog‘och sifati xam yuqori bo‘ladi. Zamburug‘ infeksiyalari va zararkunanda xasharotlar 
yo‘q qilinadi, shuningdek, yog‘och taxta shtabellari qo‘yiladigan maydonlardan tejamli 
foydalaniladi, chunki kamerali quritish maydonlari cheklangan bo‘ladi.