M. A. Xujamberdiyev

 
YURAKNING ISHEMIQ KASALLIGI
53-masala. 
58 yoshli bemor sex boshligi bo‘lib ishlaydi. Dispanserizatsiya ko‘rigidan 
o‘tayotganda 4 oydan beri ozgina jismoniy harakat qilsa (balandlikka ko‘tarilsa yoki og‘ir yuk 
ko‘tarsa) ko‘krak qafasida noxushlik paydo bo‘lishini va jismoniy harakatni to‘xtatganda bu 
noxushlik yo‘qolishini aytdi. Ba’zan bunday noxushlik sezgilari chap qo‘lga va ko‘krakka 
beriladi. Atrofdagilarning maslahati bilan u goho validol qabul qilib yurgan, lekin xuruj 
kamayishini sezmagan. Tinch holatda EKG qilingan. Bemor ko‘p chekadi, semirishga moyil. 
Ambulatoriya hujjatlariga qaralganda, uning bir yildan beri surunkali bronxitning qaytalanishi, 
bel radikuliti bilan vrachga murojaat qilganligi, bo‘yin-ko‘krak umurtqalari osteoxondrozi borligi 
aniqlangan. 
1. Qaysi tashxisni qo‘yish mumkin? 
a) yurakning ishemik kasalligi, zo‘riqishdagi stenokardiya; 
b) yurakning ishemik kasalligi, nostabil stenokardiya; 
v) bo‘yin-ko‘krak umurtqalari osteoxondrozi; 
g) ko‘rsatilgan klinik ko‘rinishi yurakning ishemik kasalligi va umurtqa 
osteoxondrozi bilan bog‘liq emas; 
d) ko‘rsatilgan ma’lumotlar yetarli bulmaganligi uchun bemorni tekshirish kerak. 
2. Bemorga qanday tekshirish usulini tavsiya qilasiz? 
54-masala. 
42 yoshli jamoat arbobi poliklinikada yurakning ishemiya kasalligi, 
zo‘riqishdagi stabil stenokardiya tashxisi bilan vrach nazoratida turadi. Ikki yil ilgari miokard 
infarktiga gumon qilinib, kasalxonada davolangan. Ambulatoriya sharoitida davolanishiga 
qaramasdan har kuni stenokardiya xuruji bezovta qilib kechasi 5 tabletkadan nitroglitserin qabul 
qilib turadi. Arteriya bosimi doimo normada. Yurak urishi sekinlashgan (minutiga 50—70 
marta), yuragi kengaymagan. Qondagi xolesterin miqdori 7 mmol/l (270 mg). Bemorga dorisiz 
davolanish yo‘li o‘rgatilgan. Yana bemor quyidagi dorilarni qabul qiladi; 
a) intenkordin—0,075 dan 3 mahal; 
b) kurantil — 0,05 dan 3 mahal; 
v) sustak-mite — 2,61 tabl. 3 mahal; 
g) papaverin —0,04 g dan 3 mahal; 
d) nikotinat kislota—0,05 dan 3 mahal. 
1. Bu dorilarning qaysi birini ichish to‘g‘ri dsb hisoblaysiz? 
2. Qolgan dorilar berilishini asoslab bering. 
55- masala.
57 yoshli bemor rasmchi bo‘lib ishlaydi.1 Bir necha yildan beri arterial 
gipertoniya va yurakning ishemik kasalligi bilan og‘riydi. Jismoniy zo‘riqqanda va sovuq havoga 

---

chiqqanida (har kuni emas) stenokardiya xuruji tutib turadi. Vrach maslahatlariga amal qilmay 
palapartish davolanadi. Bemorning bo‘yi 69 sm, vazni 83 kg, yuragi kengaymagan. Tomir urishi 
minutiga 70 marta, A/B—160/95 mm ga teng. Oyiga 3— 4 marta oz-ozdan spirtli ichimlik ichib 
turadi. Vrach bemorga stenokardiya xuruji bo‘lganida o‘zini qanday tutishini va uning oldini 
olish choralarini tushuntirgan: 
a) stenokardiya xuruji boshlanganida jismoniy zo‘riqishdan tuxtashi
kerak; 
b) til ostiga nitroglitserin tabletkasini qo‘yishi zarur; 
v) yotigdi kerak; 
g) stenokardiya xurujini keltirib chiqaruvchi omillardan holi bo‘lishi zarur; 
d) stenokardiya xurujini chaqiruvchi omillardan holi bo‘lishning iloji bo‘lmasa 
(sovuq havoda ko‘chaga chiqishi kerak bo‘lsa) ko‘chaga chiqishdan oldin tili 
ostiga 1 ta nitroglitserin tabletkasini qo‘yishi zarur. 
1. Tavsiya etilgan choralarning qaysi biri noto‘g‘ri? 
2. Bemorni to‘liq davolash choralarini aytib be-ring?