M. A. Xujamberdiyev

YURAK RITMI BUZILISHINING DIFFERENSIATSIYASI
VA UNI DAVOLASH 
47-masala.
63 yoshli bemor V. yurakning ishemik kasalligi va aterosklerozli 
kardioskleroz tashhisi bilan poliklinikada dispanser hisobida turadi. Uch yil ilgari mayda 
o‘choqli miokard infarkti bilan kasallangan va shundan beri bemorni stenokardiya xurujlari, 
hansirab qolish bezovta qilib turadi. Doimiy ravishda digoksin (1 kunda 0,125 mg dan 2 marta), 
haftasiga 2 marta triampur qabul qilib yuradi. Qayta tekshirishga EKG qilingandan so‘ng kelgan. 
1. Yurak ritmini aniqlang. 
a) bo‘lmacha ekstrasistoliyasi; 
b) sinusli aritmiya; 
v) bo‘lmachaning hilpillashi; 
g) qorincha ekstrasistoliyasi; 
d) qorincha-bo‘lmacha tuguni ekstrasistoliyasi. 
2. Aritmiyaning klinik mohiyatini aniqlang? 
3. Davolashga ko‘rsatma bering? 
48-masala. 
19 yoshli bemor ayol poliklinikaga kuchli yurak urishi xuruji bilan keldi. 
Vrach ko‘rayotgan vaqtda yurak urishi birdaniga to‘xtagan. Bunday xuruj 2 va 5 oy ilgari ham 
bo‘lgan edi. Birinchi yurak xuruji kofe ichgandan keyin ro‘y bergan. Xuruj kunduzi bo‘lib, 2—3 
soat davom etgan va o‘z-o‘zidan yo‘qolib ketgan edi. Bu xurujdan bemor qattiq qo‘rqib ketgan 
va bir necha soat davomida o‘ziga kela olmagan. Shundan keyin bemor qo‘zg‘aluvchan bo‘lib 
qolgan, doimo yurak urishiga quloq solib yuradi, pulsini tez-tez sanab turadi, ba’zan to‘xtab-
to‘xtab urishini aniqlaydi. Bemordan so‘rab-surishtirilganda, uning yoshligida ham qisqa vaqtli 
yurak o‘ynashi bo‘lganligi aniqlangan. 
1. EKG ni aniqlang. 
a) Giss tutamining chap oyoq blokadasi; 
b) chap qorinchaning kengayganligi; 
v) Giss tutamining o‘ng oyoq. blokadasi; 

---

g) kuchli qo‘zg‘alish sindroma; 
d) diafragma devori chandigi. 
2. Bu o‘zgarishlarning qanday klinik ahamiyati bor? 
3. Davolashga maslahat bering. 
49-masala. 
42 yoshli bemor ko‘chada hushini yo‘qotganligi uchuy kasalxonaga 
keltirilgan. Bir necha yildan beri yurak o‘ynashi xuruji bezovta qilishi, bo‘shashish, bosh 
aylanishi va o‘zini yomon sezishini aytgan. Bunday o‘zgarishlar kuchli bo‘lmay, har kuni 
bezovta qilgan, lekin ish qobiliyatiga ta’sir qilmagan (injener konstruktor bo‘lib ishlaydi). 
Ko‘chada hushini yo‘kotishi birinchi marta kuzatilgan. Uch hafta oldin shunday xuruj tutib 
poliklinikaga murojaat qilganda EKG qilingan va unda qorincha usti taxikardiyasi aniqlangan. 
Vrach bemorga bir kunda 20 mg dan 3 mahal obzidan ichib yurishni tayinlagan. Shunga qaramay 
bemor o‘zini yomon sezgan, bosh aylanishi kuchaygan. 
I. EKG ga xulosa chiqaring. 
a) bo‘lmachaning hilpillashi; 
b) bo‘lmacha hilpillashining sinusli ritm bilan takrorlanishi; 
v) bo‘lmacha hilpillashining sinus ritmi bilan va (bo‘lmacha-qorincha) 
sistolasining to‘liq bo‘lmasligi bilan takrorlanishi; 
g) to‘liq bo‘lmacha-qorincha blokadasi; 
d) ko‘pgina artofaktlar EQG ni aniqlashga to‘skinlik kiladi. 
II. EKG dagi o‘zgarishlarning klinik mohiyati qanday bo‘ladi? 
III. Davolashga maslahat bering.