Tadqiqot mavzusining dolzarbligi

Kirish

Tadqiqot mavzusining dolzarbligi. Arid iqlim sharoitida har qanday hududning iqtisodiy taraqqiyoti sug’oriladigan va iste’molda ishlatiladigan suv bilan ta’minlanganlik darajasiga bog’liq. Surxondaryo havzasida sug’orilishi mumkin bo’lgan yerlar maydoni 529 ming gektarni tashkil qiladi, lekin shundan hammasi bo’lib 234,4 ming gektar sug’oriladi. Raqamlardan ko’rinib turibdiki, sug’orish mumkin bo’lgan yerlarning 50 % idangina foydalanilmoqda. Buning sababi suvning yetishmasligi va mavjud suv zahiralaridan samarali foydalanolmayotganimizdir. Shu bilan birga sug’oriladigan yer maydonlarining kengayganligi, aholi sonining yildan-yilga oshayotganligi rejimiga katta ta’sir ko’rsatmoqda.

Magistrlik dissertatsiya ishida Surxondaryo havzasidagi suv resurslarini hisoblash, ulardan hozirgi foydalanish holatini ko’rsatish, mavjud suv zahiralaridan samarali foydalanish bo’yicha tavsiyalar berish,Surxondaryo havzasida yer osti va yer usti suvlaridan barqaror foydalanish orqali suv ve energiya resurslaridan foydalanish samarasini oshirish va sug’orishda ilg’or texnologiyalardan foydalanish yo’li bilan suvlarni tejash ishlarining ilmiy asoslarini ishlab chiqish masalalarining tahlil qilishi mavzuning dolzarbligini ko’rsatadi.