M. A. Xujamberdiyev

71-masalaga javob.
1. Bemorda «o‘tkir qorin» sindromi bilan birgalikda peritonit 
kasalligi boshlangan. Qorin bo‘shlig‘ida o‘zgarish bo‘lishiga ko‘pchilik kasalliklar sababchi 
bo‘lishi mumkin. Katta yoshdagi, bemorda og‘ir yurak kasalligi bo‘lib, 1—2 kun davomida 
kasallik belgilarining kuchayishi mezenterial qon tomirlarida yoki uning mayda shoxchalarida 
tromboz bo‘lganligini ko‘rsatadi. Mezenterial qon tomirlari trombozida ichak tutilishi bo‘ladi. 
Anamnezi va klinik o‘zgarishlarni hisobga olib bemorga tashxis qo‘yiladi. Kasallikni aniqlash 
uchun kasallik boshlangan zahoti (peritonit bo‘lgunga qadar) selektiv angiografiya qilinadi. 
2. Bemor zudlik bilan davolanishga muhtoj. Peritonitda 80% holda o‘lim sodir bo‘lishiga 
qaramasdan, o‘z vaqtida operatsiya qilinsa, bemorning hayotini saqlab qolish mumkin. 
72-masalaga javob.
1. Bemorda davriy qaytalanib turuvchi peritonit bor. Ko‘pincha 
bunday kasallikda operatsiya qilish foydasiz hisoblanadi. Bu kasallik asosida nasliy 
yetishmovchilik bo‘lib, qarindoshlarining yarmida bunday kasallik bo‘lgan. Ko‘proq qorinda 
og‘rik, bo‘ladigan turi uchraydi. Bu kasallikda plevra va burimlarning seroz pardasi kam 
zararlanishi mumkin. Amiloidoz natijasida buyrak yetishmovchiligi kuzatiladi (bemor onasiga 
o‘xshab). 
2. Hozirgi kunda kasallikni davolashda kolxitsin yagona dori hisoblanadi. Uni har 1 
soatda 0,6 mg dan beriladi. Qeyinchalik dori berish vaqti sekin-asta uzaytiriladi. Narkotik dorilar 
berilmaydi. Yallig‘lanishga qarshi dorilar befoyda hisoblanadi. Ko‘pincha bu kasallikni «o‘tkir 
qorin» sindromi bilan adashtirish mumkin. Shuning uchun bunday bemorlar 1—2 kun davomida 
jarroh nazoratida bulishi kerak. Keyinchalik bunday bemorlarga kasallikni oldini olish 
maqsadida kolxitsindan oz miqdorda ichib turish tavsiya qilinadi (vrach nazorati ostida). 
SURUNKALI PANKREATIT, OSHKOZON OSTI BEZI RAKI