M. A. Xujamberdiyev

117-masalaga javob. 
1. Yurak o‘ng qorinchasining yetishmovchiligida jigar 
kattalashishi mumkin. Eshitib ko‘rilganda yurak qopqoqlari yetishmovchiligi belgilari 
bo‘lmasada, anamnezida yurak kasalligi borligi, rentgenda perikardga kalsiy tuzlarining o‘tirishi, 
konstriktiv perikardit va yurakning o‘ng qorinchasi yetishmovchiligini keltirib chiqarishi 

---

mumkin. Konstriktiv perikardit surunkali perikarditlar guruhiga kirib, yallig‘lanish natijasida 
perikardda ko‘shuvchi to‘qima xosil bo‘lib yopishib qolishi mumkin. Bu bemorlarning yarmidan 
kupida perikardga ohak o‘tirib qolishi mumkin. Perikardning yopishib qolishi yurak hajmini 
kichraytirib, diastola vaqtida kengayishiga to‘sqinlik qiladi. Konstriktiv perikardit ko‘pincha sil 
kasalligida kuzatiladi. Perikardga tuzlarning o‘tirib qolishi muhim tashxisiy belgi hisoblanadi. 
2. Konstriktiv perikarditni davolashning yagona yo‘li jarroxlik yo‘li bilan yopishgan 
perikard chandiqlarini kesish xisoblanadi. 
 
O‘T PUFAGI VA O‘T YULLARI KASALLIGI
118-masalaga javob.
1. O‘ng qovurg‘a ostida og‘riq bo‘lib, qayt qilish, axlat rangining 
o‘zgarishi o‘t-tosh kasalligiga xosdir. O‘t pufagida yallig‘lanish borligi ehtimoldan holi emas 
(isitma ko‘tarilishi, paypaslab ko‘rilganda og‘riq bo‘lishi). 
2. Anamnezida stenokardiya bo‘lganligini hisobga olib EKG qilish kerak. O‘ng tomonda 
nafasning susayganligini hisobga olib ko‘krak kafasini rentgen qilish kerak. O‘t-tosh kasalligini 
aniqlash uchun ultratovush yordamida tekshirish kerak. 
119-masalaga javob. 
1. Bemorda tez-tez o‘t-tosh kasalligi xuruj qilib turishi o‘t 
yo‘llarining beqilib qolganligi (terisining sarg‘ayganligi, axlat rangining oqarganligi) o‘t pufagi 
yallig‘langanligini ko‘rsatadi. Bu esa o‘t suyuqligi dimlanishiga olib kelgan. Jigar abssessiga 
uxshamaydi, bilirubin va xolesterinning ko‘payishi esa jigarda o‘choqli o‘zgarish yo‘qligini 
ko‘rsatadi. 
2. Jigar abssessini aniqlash uchun jigarni ultratovush yordamida skennirlash usuli bilan 
tekshirish kerak. Iloji bo‘lsa jigarni laparoskopiya qilib tekshirish, o‘t suyuqligini esa ekish yo‘li 
bilan tekshirish kerak.