Ўрмончилик ” фанидан ўҚув-услубий мажмуа

 
Назорат учун саволлар 
1.
Ер шаридаги асосий ўрмон турлари ҳақида изох беринг. 
2.
МДХ давлатларида қандай ўрмонлар тарқалган. 
3.
Ўрмон-тундра худуди деганда нимани тушунасиз? 
4.
Ўрмон худудларида тупроқ таркибининг шаклланиши. 
5.
Нима учун Марказий Осиё давлатларида ўрмонзорлар кам? 
ЎРМОН МОРФОЛОГИЯСИ. ЎРМОННИНГ АСОСИЙ БЕЛГИЛАРИ 
ВА КОМПОНЕНТЛАРИ 
Режа: 
1. Ўрмон морфологияси тушунчаси. 
2. Дарахтзорнинг таркиби ва типлари. 
3. Ўрмон элементлари ва компонентлари. 
Булар дарахтзорлар, уларнинг қават (яруслари), ёш ва ўрта ёш 
ниҳоллар, ўрмоннинг энг пастки қаватидаги ўсимликлар, асосий 
дарахтларнинг яхши ўсишига ёрдам берувчи ўсимликлар, ер юзасидаги ўтлар 
қопламидан иборат. 
Дарахтзор – ўрмон ташкил қилувчи дарахтлар уюшмаси. Бундан 
ташқари уруғидан ва кўчат экиб кўкартирилган сунъий ўрмонзорлар ҳам 
мавжуд. Умуман, ўрмонзорлар асосий ва ёрдамчи (иккинчи даражали) дарахт 
турларидан иборат бўлади. Асосий дарахтлар катта иқтисодий ва хўжалик 
аҳамиятига эгадир. Ўстирилаётган ёки табиий ривожланаётган дарахтзорлар 
юқори маҳсулотли бўлиши керак. Шу хусусияти билан улар бошқа дарахт 
турларидан фарқ қилади. 
• 
Ярус (қават). Асосий ўрмонзордаги дарахтларнинг ярим 
баландлигига етган ва пишган (қирқишга яроқли) дарахтлар ўрнини эгаллай 
олайдиган ўспирин - ёш дарахтлар йиғиндиси ярус дейилади. 
• 
Ўсмир (ўспирин) лар, деб бир ёш синфидан ошган асосий ва 
ёрдамчи дарахтларнинг келажакдаги ўрмон ташкил қилувчи қисмига 
айтилади. 
Ўрмон ости ўсимликлар. Булар асосий ўрмонни ташкил қилишда 
қатнаша олмайдиган, ҳар хил (биологик, иқлим) сабабларга кўра яхши 
ривожланмаган алоҳида дарахт турлари ва буталардир. 
Асосий дарахтларнинг ўсишини тезлатишда ва яшаш шароитларнини 
яхшилашда қатнашадиган дарахт ва буталар.